Yohane 5:28 - AHYERƐLƐ KRONGRON

²⁸ Nnɛmɔma ɛhe yɛ ɛmɔ nwanwa, ofikyɛ mmerɛ ne ɔ́ba, bɔ bɛ bɔ bɛwɔ asieleɛ nu amukoraa bɛkɔte ye komvi ɔ,

Yohane 5:28 Iomraidhean Croise

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Daniel 12:2

Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Yohane 3:7

Yiti nnɛmaa ɔyɛ wɔ nwanwa kyɛ nga ngyirele wɔ kyɛ, ‘Ɔsɛ kyɛ bɛwo wɔ foforɛ ɔ.’

Yohane 4:21

Yesu sele ye kyɛ, “Mmobraa, de me di, mmerɛ ne ɔ́ba bɔ nna bokaa he aso anaa Yerusalem yeɛ ɛmɔkɔsɔne Baba ne ɔ.

Yohane 4:23

Na mmerɛ ne ɔ́ba, na wawa, bɔ bɛ bɔ bɛsɔne nahorɛ nu ne, bɛkɔsɔne Baba ne wɔ sunzum nu ne nahorɛ nu; ofikyɛ sɔ mmenia ne yeɛ Nyameɛ pena kyɛ bɛsɔne ye ɔ.

Yohane 5:20

Ofikyɛ Baba ne kuro Baa ne dwirɛ, na okyire ye nikyee biala bɔ ye bɔbɔ ɔyɔ ɔ; na okohyire ye nnwumaa mbiri mbiri bɔ bɛtra ɛhemɔ ɔ, ná wayɛ ɛmɔ nwanwa.

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Asomafoɛ 24:15

Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ.

Asomafoɛ 3:12

Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ?

1 Korintofoɛ 15:22

Na kyɛbɔ ɔnate Adam ti mmenia mukoraa nya ewue ne, sɔ ala yeɛ Kristo ti bɛ mukoraa bekonya ngoa ɔ.

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.