Yohane 5:25 - AHYERƐLƐ KRONGRON

²⁵ Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Yohane 5:25 Iomraidhean Croise

Luka 15:24

ofikyɛ mma he owuli, na watingye; ominini, na manwu ye.’ Na bɛhyɛle ye bo kyɛ bɛgye bɛ nye.

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Luka 9:60

Na Yesu sele ye kyɛ, “Ma awufoɛ besie b’awufoɛ. Nakoso wɔ de, kɔ ná kɔbɔ Nyameɛ ahennie ne nwo dawure.”

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Yohane 4:21

Yesu sele ye kyɛ, “Mmobraa, de me di, mmerɛ ne ɔ́ba bɔ nna bokaa he aso anaa Yerusalem yeɛ ɛmɔkɔsɔne Baba ne ɔ.

Yohane 4:23

Na mmerɛ ne ɔ́ba, na wawa, bɔ bɛ bɔ bɛsɔne nahorɛ nu ne, bɛkɔsɔne Baba ne wɔ sunzum nu ne nahorɛ nu; ofikyɛ sɔ mmenia ne yeɛ Nyameɛ pena kyɛ bɛsɔne ye ɔ.

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Yohane 5:28

Nnɛmɔma ɛhe yɛ ɛmɔ nwanwa, ofikyɛ mmerɛ ne ɔ́ba, bɔ bɛ bɔ bɛwɔ asieleɛ nu amukoraa bɛkɔte ye komvi ɔ,

Yohane 6:60

Na ye asuafoɛ nemɔ anu pee bɛtele sɔ dwirɛ nen, bɛhane kyɛ, “Ngyerɛkyerɛ he de, ɔyɛ se; nwa yeɛ ɔkɔhora kotie ɔ?”

Yohane 8:43

Nzu ati yeɛ ɛmɔnde me dwirɛ bo ɔ? Ɔnate kyɛ ɛmɔngora bendie me dwirɛ.

Yohane 8:47

Ebiala bɔ ofi Nyameɛ nu ne, otie Nyameɛ dwirɛ. Na nikyee ti bɔ ɔmaa ɛmɔndie ne ole kyɛ, nna Nyameɛ nu yeɛ ɛmɔfi ɔ.”

Yohane 9:27

Na obuale bɛ kyɛ, “Mahã mahyire ɛmɔ dada, nakoso ɛmɔandie. Nzu ati yeɛ ɛmɔpena kyɛ betie ye bieku ɔ? Ɛmɔ koso, ɛmɔpena kyɛ ɛmɔyɛ ye asuafoɛ anaa?”

Romanfoɛ 6:4

Yiti basie yɛ ne ye wɔ asubɔlɛ nu bahɔ ye wue nu. Ofikyɛ kyɛbɔ Baba n’animnyam tumi ne tingyele Kristo fili awufoɛ nu ne, sɔ ala yeɛ ɔsɛ kyɛ yɛnate ngoa foforɛ nu ɔ.

Ɛfesofoɛ 2:1

Na ɛmɔ de, ahaa ɛmɔte awufoɛ wɔ mvomsoɛ ne bɔne nu,

Ɛfesofoɛ 2:5

wama yɛ bɔ ahaa yɛte awufoɛ wɔ mvomsoɛ nu ne yɛne Kristo yanya ngoa, (adom yeɛ bafa bale ɛmɔ ngoa ɔ.)

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”

Kolosefoɛ 2:13

Na ɛmɔ bɔ ahaa né ɛmɔte awufoɛ, ɔnate ɛmɔ mvomsoɛ ne ɛmɔ nwonaen bɔ né bienzuapɛlɛ nne nu ne ati nen, Nyameɛ amaa ɛmɔanya ye ngoa ne bie, na wafa yɛ mvomsoɛ amukoraa wahyɛ yɛ,

Nyekyire 3:1

“Kyerɛ kɔma Sadise asɔre ne anu abɔfo ne kyɛ: Bɔ ole Nyameɛ Sunzum nzoo ne nzramaa nzoo ne, ye noa dwirɛ ɛhe: Mese wɔ nnwumaa; ale dumaa kyɛ ɛte ase, nakoso awu.