Yohane 5:2 - AHYERƐLƐ KRONGRON

² Né ɛkwaa bie wɔ Yerusalem Mmoaen Pambim ne nwo, bɔ Hebri dwudwolɛ nu bɛfrɛ ye Betesaeda ɔ; na né apata nnu bɔ atee lela bɛ bo ɔ bɛwɔ ɛkwaa ne anwo berɛ.

Yohane 5:2 Iomraidhean Croise

Nehemia 12:39

wɔ Efraim Pambim ne anwuro wɔ Pambim Daa ne anwo ne Tire Pambim ne Hananel Abandenden ne, ɔne Ɛyaa Abandenden ne anwo yɛɛdwuli Mmoaen Pambim ne anwo. Na beegyinane Awɛmvoɛ Pambim ne anwo.

Nehemia 3:1

Ɔsɔfo panyi paa Eliasibo ɔne ye mmango asɔfo nemɔ, bɛhyɛle ye bo bɛyɔle adwuma, na besili Mmoaen Pambim ne. Bɛtele Mmoaen Pambim ne anwo bɛyɛle ye krongron, na betuatuale ye anoa nemɔ. Bɛtele ye nwo alaa beedwuli Mmenia Ɛyaa Abandenden ne anwo ɔne Hananel abandenden ne anwo.

Nehemia 3:32

Ndweasoɛ so aborɔsaen so pumbu bɔ ɔkwaadwu Mmoaen Pambim ne, esikaa kɔkorɛ dwumvoɛ ne dwadifoɛ yeɛ bɛyɔle berɛ fasue ne yé ɔ.

Yesaya 22:11

Fasue nyɔ ne, ɛmɔpɛle abura wɔ b’afia maa nzue bɔ ɔwɔ ɛkwaa daa ne anu ooguale nu, nakoso bɔ ɔyɔle ɛkwaa ne de, ɛmɔammisa ye berɛ mmokalɛ, yeɛ ye bɔ ɔhyehyɛle ye dadadada ne, ɛmɔammu ye.

Yesaya 22:9

Na ɛmɔnwuni kyɛ Dawide kuro fasue ne, wapakyepakye pee, na ɛmɔsesale aseɛnwo dɔ abura ne anu nzue besiele.

Yohane 19:13

Na Pilato tele sɔ dwirɛ nen, ɔfale Yesu fite wale, na ɔtenane ndɛenbualɛ bia nu, wɔ nekaa bie bɔ bɛfrɛ berɛ Nyɔboɛ Pato nu, bɔ Hebri dwudwolɛ nu bɛfrɛ ye Gabata.

Yohane 19:17

Yiti bɛfale Yesu bɛhɔle. Na ɔsoale ye mmeamudua ne fili berɛ oodwuli nekaa bie bɔ bɛfrɛ berɛ “Tire Kokuroka so,” bɔ Hebri nu bɛfrɛ ye Golgota.

Yohane 19:20

Yudafoɛ pee bɛkengale sɔ ahyerɛlɛ he, ɔnate kyɛ nekaa bɔ bɛbɔle Yesu mmeamudua nu ne, opingye kuro ne; na bɛhyerɛle edwirɛ ne wɔ Hebri, Roman ne Hela dwudwolɛ nu.

Yohane 20:16

Na Yesu sele ye kyɛ, “Maria!” Na ɔkakyili ye nwo sele ye wɔ Hebri dwudwolɛ nu kyɛ, “Raboni!” (ye bo kyire Kyerɛkyerɛniɛ.)

Yohane 5:3

Né ayarefoɛ pee, anyesiniwaafoɛ, mbakye ne bɛ bɔ babubu bagua berɛ ɔ bɛlela apata nemɔ abo [bɛnwondɛ nzue ne maa ɔwoso.

Yohane 7:21

Na Yesu buale bɛ kyɛ, “Nyɔle anwanwadeɛ ko, na ɔyɛ ɛmɔ amukoraa nwanwa.

Asomafoɛ 21:40

Na asraafoɛ panyi ne mane ye ate, yiti Pɔɔlo gyinane ndweleɛ ne aso, na ɔmane ye sa so bobole ɛlɔen ne. Na berɛ yɛle dinn ne, odwudwo hyirele bɛ wɔ Hebri dwudwolɛ nu kyɛ,

Nyekyire 16:16

Na bɛboaboale bɛ noa wɔ nekaa bie bɔ Hebri dwudwolɛ nu bɛfrɛ berɛ Amagedon.

Nyekyire 9:11

Bele bɔ odi bɛ so hene, bɔ ye ole aseɛ bo dɔ kumaa kuronguronn nu abɔfo ne, bɔ ye dumaa li Abadɔn wɔ Hebri dwudwolɛ nu, yeɛ Hela dwudwolɛ nu koso oli Apolɔn.