Yohane 5:19 - AHYERƐLƐ KRONGRON

¹⁹ Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ.

Yohane 5:19 Iomraidhean Croise

Gyenesise 1:1

Ahyɛaseɛ ne, Nyameɛ bɔle anwuro ne aseɛ.

Gyenesise 1:26

Afei Nyameɛ sele kyɛ, “Ɛ́mɔma yɛyɔ sona kyɛ yɛ sɛso, ma osoma yɛ; ná yɛ́ma benya tumi wɔ ɛpo nu ngaka so, ewienu nnomaa so, awuro ngaka so, aseɛ amukoraa so, ɔne kaka biala bɔ ɔtwe ye nwo ase wɔ aseɛ so ɔ so.”

Edwein 138:3

Kyẽa bɔ nzu mvrɛle wɔ ne, etiele me sufrɛ, na ɛmane me kra hɔle so nyane anwoserɛ.

Edwein 27:14

Ma wɔ nye ɔla AWURADE so, gyina pindinn ná ma wɔ hue yɛ se; nahorɛ nu, ma wɔ nye ɔla AWURADE so!

Edwein 50:6

Ewienu bɔ ye tenenee nwo dawure, ofikyɛ Nyameɛ bɔbɔ te ndɛenbualɛniɛ. Sela

Ɛksadɔso 4:11

Na AWURADE bisale ye kyɛ, “Nwa yeɛ ɔyɔle kuro sona noa ɔ? Nwa yeɛ ɔmaa ɔyɛ emumu anaa asotiniwaaniɛ, ɔmaa onwu nikye anaa ɔyɛ ye anyesiniwaaniɛ ɔ? Yiti nna me AWURADE ɔ?

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Yesaya 44:24

AWURADE bɔ ɔte wɔ Defoɛ, bɔ ɔnwone wɔ wɔ eni akunu ne, ɔnwa nyoo: “Me, AWURADE, me yeɛ nyɔle nningyein amukoraa ɔ, me ngome yeɛ ndrɛtrɛle ewienu nu ɔ, me yeɛ me ngome mmayebayele aseɛ nu ndole berɛ ɔ.

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Mateo 26:39

Na ɔhɔle ye nyunu moa kãa nen, ɔfale ye nyunu butuli berɛ bɔle mbaeɛ kyɛ, “Me Baba, sɛ ɔkɔyɛ yee a, ma sɔ kulie he ofi me so hɔ! Nakoso nna bɔ mepena hɔ ɔ, na mmom bɔ ɛpena ɔ.”

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Yohane 10:18

Ebie nne mvi me sa nu, na mmom me bɔbɔ yeɛ mefa meto berɛ ɔ. Ye nwo tumi wura me sa kyɛ mefa meto berɛ ɔ, yeɛ ye nwo tumi wura me sa kyɛ mesa mefa ye bieku ɔ; na ahyɛdeɛ he yeɛ nya mvili me Baba berɛ ɔ.”

Yohane 12:49

Ofikyɛ nna me bɔbɔ me tumi so yeɛ mefa medwudwo ɔ; na mmom Baba ne bɔ ɔsomane me ne, ye yeɛ wafa bɔ nga ɔne kyɛbɔ nzi nga ye ɔ nwo ahyɛdeɛ wama me ɔ.

Yohane 12:50

Na mese kyɛ ye ahyɛdeɛ te daa ngoa. Yiti edwirɛ bɔ mekã ne, kyɛbɔ Baba ne ahã ahyire me ne, sɔ ala yeɛ mekã ɔ.”

Yohane 14:10

Aso enne nni kyɛ nwɔ Baba ne nu, ná Baba ne koso ɔwɔ me nu ɔ? Edwirɛ mɔ bɔ mekã mekyire ɛmɔ ne, nna me bɔbɔ me tumi yeɛ mefa mekã ɔ; na mmom Baba ne bɔ ɔte me nu ne, ye yeɛ ɔyɔ ye nnwumaa ne ɔ.

Yohane 2:19

Na Yesu buale bɛ kyɛ, “Ɛ́mɔdwiri asɔneyɛɛ sua he bégua, na ngɔfa ɛlɛsa ngɔpagya ye ngosie berɛ bieku.”

Yohane 3:3

Na Yesu buale ye kyɛ, “Nahorɛ nu paa, mekã mekyire wɔ kyɛ: Ebiala ngɔhora ngonwu Nyameɛ ahennie ne, sana bawo ye foforɛ.”

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Yohane 6:38

Ɔnate kyɛ mvi nyameɛso mawa ase, nna kyɛ mebaayɔ me bɔbɔ m’apɛdeɛ, na mmom bɔ ɔsomane me n’apɛdeɛ.

Yohane 8:28

Yiti Yesu hane kyɛ, “Sɛ ɛmɔnya bɛma Sona Awa ne so a, yeɛ ɛmɔkonwu kyɛ me ole ye ɔ; na memva me bɔbɔ me tumi menyɔ nikye fee, na mmom kyɛbɔ Baba ne hyirehyirele me ne, sɔ ala yeɛ mekã ɔ.

Yohane 9:4

Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Romanfoɛ 6:4

Yiti basie yɛ ne ye wɔ asubɔlɛ nu bahɔ ye wue nu. Ofikyɛ kyɛbɔ Baba n’animnyam tumi ne tingyele Kristo fili awufoɛ nu ne, sɔ ala yeɛ ɔsɛ kyɛ yɛnate ngoa foforɛ nu ɔ.

Romanfoɛ 8:11

Na sɛ ye bɔ otingyele Yesu fili awufoɛ nu ne ye Sunzum te ɛmɔ nu a, ye bɔ otingyele Kristo Yesu fili awufoɛ nu ne, ɔkɔma ɛmɔ nipadua bɔ owu ne ngoa, na ɔkɔfa ye Sunzum bɔ ɔte ɛmɔ nu ne aso yeɛ ɔkɔyɔ sɔ ɔ.

1 Korintofoɛ 15:12

Na sɛ yɛkã Kristo nwo nzɛmba kyɛ wadwɔso wafi ewue nu a, ɔwale ye sɛ bɔ ɛmɔ nu biemɔ kã kyɛ awufoɛ ewutingyelɛ nne berɛ ɔ?

2 Korintofoɛ 4:14

Ofikyɛ yɛse kyɛ, bɔ otingyele Awurade Yesu fili ewue nu ne kotingye yɛ kɔboka Yesu so, ná wafa ɛmɔ ne yɛ wahɔ ye nyunu.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

Ɛfesofoɛ 2:5

wama yɛ bɔ ahaa yɛte awufoɛ wɔ mvomsoɛ nu ne yɛne Kristo yanya ngoa, (adom yeɛ bafa bale ɛmɔ ngoa ɔ.)

Ɛfesofoɛ 3:16

kyɛ ófi ye animnyam anwonya nu ma ɛmɔfa ye Sunzum so benya tumi nu anwoserɛ wɔ ɛmɔ nu, wɔ sona sue ne anu,

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Kolosefoɛ 1:11

Yɛsrɛ kyɛ ɔma ɛmɔ tumi amukoraa ma ɛmɔgyina pindinn, kyɛbɔ ye animnyam tumi te ne, ná ɛmɔahora bafa aboterɛ ne animia amukoraa bagyina wɔ anigye nu,

Kolosefoɛ 1:16

Ofikyɛ ye nu yeɛ bɛbɔle nningyein amukoraa, bɔ ɔwɔ nyameɛso ne aseɛ so ɔ; bɔ benwu ye ɔ ne bɔ bennwu ye ɔ; ahennie oo, meneɛ oo, mbanyililɛ oo, tumililɛ oo, nningyein mukoraa bɛnate ye so yeɛ bɛbɔle ɔ, na bɛbɔle bɛ bɛmane ye.

1 Tɛsalonikafoɛ 4:14

Na sɛ yɛde yɛdi kyɛ Yesu wuli ná osa tingyele de a, nzaade Nyameɛ kɔfa bɛ bɔ balela nemɔ kɔfa Yesu so kɔboka ye so kɔwa.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.