Yohane 5:17 - AHYERƐLƐ KRONGRON

¹⁷ Na Yesu buale bɛ kyɛ, “Me Baba gu so ɔyɔ adwuma maa waadwu bekye, na me koso méyɔ adwuma.”

Yohane 5:17 Iomraidhean Croise

Edwein 65:6

W’anwoserɛ yeɛ ɔfale mmokaa penapenane berɛ ɔ, afa tumi abɔ abɔsoɛ.

Yesaya 40:26

Ɛ́mɔto ɛmɔ nye anwuro bɛ́nea, nwa yeɛ ɔbɔle sɔ nningyein nemɔ ɔ? Ye bɔ ɔye b’ɛlɔen ne fite ɔka bɛ ɔ, bɔ ɔfa bɛ mukoraa bɛ dumaa frɛ bɛ ɔ; na ɔnate ye anwoserɛ piri ne ye tumi totohyia ne ati, bɛ nu biala mmini.

Mateo 10:29

Aso bɛndɔne akatipire nyɔ pɛsaa? Nakoso bɛ nu ko po nde ndɔ ase bɔ ɛmɔ Baba ne ɔnze ye nwo bie ɔ.

Yohane 10:36

né nzu ati yeɛ bɔ Baba ne ayɛ ye krongron, ná wasoma ye maa wawa wiase ne, ɛmɔkã ye nwo dwirɛ kyɛ, ‘Ahã musue dwirɛ,’ ofikyɛ ngane kyɛ, ‘Nyameɛ Awa ne ole me?’

Yohane 14:10

Aso enne nni kyɛ nwɔ Baba ne nu, ná Baba ne koso ɔwɔ me nu ɔ? Edwirɛ mɔ bɔ mekã mekyire ɛmɔ ne, nna me bɔbɔ me tumi yeɛ mefa mekã ɔ; na mmom Baba ne bɔ ɔte me nu ne, ye yeɛ ɔyɔ ye nnwumaa ne ɔ.

Yohane 5:16

Na ɔnate sɔ ati, Yudafoɛ nemɔ tanene Yesu nye, ofikyɛ ɔyɔle sɔ afofikyẽa.

Yohane 5:18

Na ɔnate sɔ ati, Yudafoɛ mɔ mane bɛ nye borole kyɛ bekohu ye ɔ, kyɛ, nna afofikyẽa ngome yeɛ wabu so ɔ; na mmom ɔnwa Nyameɛ te ye bɔbɔ ye Baba, bɔ ɔfa kyire kyɛ ɔne Nyameɛ bɛte pɛ ɔ.

Yohane 9:4

Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

Asomafoɛ 17:28

Ofikyɛ, ‘Ye nu yeɛ yɛte ase, yɛkɔ yɛba, ná yɛnya ngoa ɔ’; kyɛbɔ ɛmɔ edweintolɛfoɛ ne biemɔ bahã kyɛ, ‘Ofikyɛ yɛ koso yɛte ye mma.’

1 Korintofoɛ 12:6

Dwumadie koso gua ahoroɔ, nakoso Nyameɛ komapɛ ne ala yeɛ ɔfa yɛ mukoraa so odi dwumaa ne ɔ.

Kolosefoɛ 1:16

Ofikyɛ ye nu yeɛ bɛbɔle nningyein amukoraa, bɔ ɔwɔ nyameɛso ne aseɛ so ɔ; bɔ benwu ye ɔ ne bɔ bennwu ye ɔ; ahennie oo, meneɛ oo, mbanyililɛ oo, tumililɛ oo, nningyein mukoraa bɛnate ye so yeɛ bɛbɔle ɔ, na bɛbɔle bɛ bɛmane ye.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.