Yohane 5:14 - AHYERƐLƐ KRONGRON

¹⁴ Nziɛ ye, Yesu nwuni ye wɔ asɔneyɛɛ sua ne anu, na osele ye kyɛ “Nea, ate apɔ, nnɛyɔ bɔne ko, ná nikyee tɛɛ bɔ ɔtra ɛhe ɔ wanyɛ wɔ.”

Yohane 5:14 Iomraidhean Croise

2 Aberɛso Dwirɛ 28:22

Mmerɛ bɔ sɔ Nana Ahase ye ala onwu amaneɛ ne po ne, obubuli mmakaa tuale ye so bɔ wandie AWURADE dwirɛ ɔ.

Nehemia 9:28

Nakoso bɛ nwo tɔle bɛ ne, besa bɛyɔle bɔne betiale wɔ, na ɛfale bɛ wurale bɛ pɔfoɛ mɔ sa maa belili bɛ so. Na bɛsesane b’adwene besa besu bɛfrɛle wɔ ne, etiele bɛ fili nyameɛso, na kyɛbɔ w’anwumvoinnwunɛ te ne, ɛpepɛ lele bɛ mmerɛ pee.

Edwein 118:18

AWURADE ahwe me so paa, nakoso wamva me wanwura ewue sa.

Edwein 18:22

Mali ye nhyehyɛleɛ amukoraa so, yeɛ ye ahyɛdeɛ koso, nndwene me nwo mmvili ye nwo.

Edwein 27:6

Afei ɔmaa medi ngonim wɔ me pɔfoɛ mɔ bɔ bapɛ me nwo bayia ɔ so, ná ngɔfa esebɔlɛ ngɔbɔ afɔleɛ wɔ ye tena sua ne anu. Ngɔto anigye dwein ngɔye AWURADE ayɛ.

Edwein 9:13

Ao AWURADE, nwu me anwumvoin. Wɔ bɔ ɛpepɛ de me fi ɛborɔ atee pambim nu ɔ, nea amaneɛ bɔ menwu ye wɔ me pɔfoɛ mɔ sa nu ɔ,

Yesaya 38:20

AWURADE kole me ngoa, na yɛkɔbɔ sangoo yɛkɔto dwein mmerɛ biala bɔ yɛte ase ɔ wɔ AWURADE awuro.

Yesaya 38:22

Né Hesekia abisa kyɛ, “Nzikyɛ sɛngyerɛnneɛ yeɛ okyire kyɛ ngɔhɔ AWURADE awuro ne anu ɔ?”

Lewitikɔso 13:20

Odi kyɛ ɔsɔfo ne neanea ye nwo, na sɛ onwu kyɛ wadidi wahɔ ye wereɛ nu ná ye nwiaa ayɛ hoyaa a, ye de odi kyɛ ɔsɔfo ne fa to dwaa kyɛ ye nwo nde; kwata anwonyerɛ ɛne, wala ali wɔ mbɔmbɔ ne anu.

Lewitikɔso 26:27

“Nakoso sɛ ɛhe asi ye, ɛmɔyɛ asoserɛ betia me ná ɛmɔdwɔso betia me a,

Lewitikɔso 7:12

Sɛ ɛbɔ fa da AWURADE ase a, ye de odi kyɛ ɛfa taterɛ kabrɛdi bɔ bafa ngoo bafete ɔ, apiti kabrɛdi bɔ bafa ngoo bafa ye nwo ɔ, ɔne mɔle paa taterɛ bɔ bafa ngoo bafete ɔ boka asennaa afɔleɛ ne aso.

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Marko 2:5

Na Yesu nwuni bɛ gyidie nen, osele bubuaniɛ ne kyɛ, “Mma, bafa wɔ bɔne bahyɛ wɔ.”

Yohane 5:13

Na biaa bɔ ye nwo asa ne, né ɔnze sona horɛ, ofikyɛ né Yesu ahwe ye nwo wafi berɛ, yeɛ afei né mmenia pee wɔ berɛ.

Yohane 5:5

Né biaa bie wɔ berɛ bɔ ye nwo ayɛ ye yea afoɛ aburasa ne mmɔtwɛ ɔ.

Yohane 8:11

Na obuale kyɛ, “Daabi, me Mene, ebiala ammua me foɛ.” Yeɛ Yesu sele ye kyɛ, “Me koso memmua wɔ foɛ; kɔ, na nnɛkɔyɔ bɔne ko.”

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.