Yohane 5:10 - AHYERƐLƐ KRONGRON

¹⁰ Yiti Yudafoɛ nemɔ sele biaa bɔ ye nwo asa ne kyɛ, “Ɛnɛ te afofikyẽa, yiti mmeraa mma ate kyɛ ɛkɔsoa wɔ bɛen ɔ.”

Yohane 5:10 Iomraidhean Croise

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Yeremia 17:21

Bɔ AWURADE kã ɛhe: Ɛ́mɔnea ɛmɔ nwo yé ná ɛmɔanzoa nningyein afofikyẽa, anaa ɛmɔamva nningyein bamva Yerusalem pambim nemɔ anu bamma nu.

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Mateo 12:10

Na yieee, né biaa bie wɔ berɛ bɔ ye sa ko awu ɔ. Na bebisale Yesu kyɛ, “Aso mmeraa ma ate kyɛ bɛsa anwonyerɛ afofikyẽa anaa?” Né bɛpena edwirɛ bɛfa bɛbɔ ye kwaadu.

Marko 2:24

Na Farasiifoɛ nemɔ bisale ye kyɛ, “Nea, nzu ati yeɛ bɛ́yɔ bɔ otia mmeraa kyɛ bɛyɔ ye afofikyẽa ɔ?”

Marko 3:4

Na obisale bɛ kyɛ, “Yiti mmeraa ma ate kyɛ yɛyɔ paa anaakyɛ bɔne afofikyẽa, kyɛ yɛkole ebie ngoa anaakyɛ yɛkohu ye ɔ?” Na bɛyɛle konn.

Luka 13:14

Nakoso nyianu sua ne anu panyi ne fɛle yaa kyɛ Yesu asa anwonyerɛ afofikyẽa ɔ, na osele mmenia ne kyɛ, “Elesia yeɛ ɔsɛ kyɛ yɛfa yɛyɔ adwuma ɔ. Sɔ ngyẽa nemɔ yeɛ ɛmɔbra ma bɛsa ɛmɔ anwonyerɛ ɔ, na ɔnzɛ kyɛ ɔyɛ afofikyẽa.”

Luka 23:56

Afei besa bɛhɔle beesiesiele ayirefona ne sakyeɛfona. Na afofikyẽa ne, belele bɛ nwome kyɛbɔ mmeraa ne te ne.

Luka 6:2

Na Farasiifoɛ nemɔ anu biemɔ bisale bɛ kyɛ, “Nzu ati yeɛ ɛ́mɔyɔ bɔ otia mmeraa kyɛ bɛyɔ ye afofikyẽa ɔ?”

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Yohane 5:11

Na obuale bɛ kyɛ, “Biaa bɔ ɔsale me anwonyerɛ ne, ye yeɛ osele me kyɛ, ‘Fa wɔ bɛen ne, ná nate’ ɔ.”

Yohane 5:15

Biaa ne sili nu hɔle, na ɔɔbɔle Yudafoɛ nemɔ amaneɛ kyɛ Yesu yeɛ ɔsale ye anwonyerɛ ne ɔ.

Yohane 5:16

Na ɔnate sɔ ati, Yudafoɛ nemɔ tanene Yesu nye, ofikyɛ ɔyɔle sɔ afofikyẽa.

Yohane 7:23

Na sɛ ɛmɔpɛ ebie bienzua afofikyẽa, kyɛbɔ ɔkɔyɛ bɔ ɛmɔngobu Mose mmeraa so a, né nzu ati yeɛ ɛmɔafɛ me so yaa kyɛ mama sona mumua wate apɔ wɔ afofikyẽa ɔ?

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.