Yohane 5:1 - AHYERƐLƐ KRONGRON

¹ Ɛhe asi ne, Yudafoɛ aluolue dwuli, na Yesu hɔle Yerusalem.

Yohane 5:1 Iomraidhean Croise

Ɛksadɔso 34:23

“Afoɛ biala, ɔsɛ kyɛ wɔ mma mmienzua mukoraati ba AWURADE Nyameɛ, bɔ ɔte Yisrael Nyameɛ ne nyunu pɛen nza.

Mateo 3:15

Yeɛ Yesu buale ye kyɛ, “Ma ate maa yɛyɔ ye sɔ kekesaala ye, na yɛyɔ bɔ Nyameɛ ahyehyɛ ne.” Yiti Yohane penene so.

Yohane 2:13

Né Yudafoɛ Abɔtra aluolue ne apingye, na Yesu hɔle Yerusalem.

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

Deuteronomi 16:1

Di Abɔtra aluolue ne hyɛ AWURADE wɔ Nyameɛ animnyam wɔ bosome Abibo nu, ofikyɛ bosome Abibo nu yeɛ AWURADE wɔ Nyameɛ yele wɔ fili Misraim kɔngɔen ɔ.

Deuteronomi 16:16

“Afoɛ biala, ɔsɛ kyɛ wɔ mmienzua mukoraati ba AWURADE wɔ Nyameɛ nyunu pɛen nza, wɔ nekaa bɔ okohyire ne: wɔ Paanoo Kabrɛdi aluolue ne, Dapɛn Dapɛn aluolue ne, yeɛ Asese aluolue ne anu. Nnɛmaa bɛfa bɛ sa mbaen bɛba AWURADE nyunu.