Yohane 4:48 - AHYERƐLƐ KRONGRON

⁴⁸ Yeɛ Yesu sele ye kyɛ, “Ɛmɔngole ngoli, sana ɛmɔanwu anwanwadeɛ ne nzɛngyerɛnneɛ koraka.”

Yohane 4:48 Iomraidhean Croise

Daniel 4:2

Nzɛngyerɛnneɛ ne anwanwadeɛ bɔ Anwuro Anwuro Nyameɛ ne wayɔ wama me ne, ɔyɛ me fɛ kyɛ ngɔfa ngɔto dwaa ɔ.

Daniel 6:27

Ode ngoa, na ɔpepɛ de mmenia, na ɔyɔ nzɛngyerɛnneɛ ne anwanwadeɛ wɔ nyameɛso ne aseɛ so, na ye yeɛ wapepɛ wale Daniel wafi gyata mɔ bɛ sa nu ɔ.”

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Mateo 16:1

Farasiifoɛ ne Sadusiifoɛ wale kyɛ bɛbaaso Yesu bɛnea, yiti besele ye kyɛ ɔyɔ sɛngyerɛnneɛ bɔ ofi nyameɛso ɔ ma bɛnea.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Mateo 27:42

kyɛ, “Olele ebiemɔ, nakoso ɔngora nne ye nwo! Sɛ ye yeɛ ɔte Yisraelfoɛ Hene ne a, maa odwu ase fi mmeamudua ne aso kekesaala ye, na yɛkole ye yɛkoli.

Marko 13:22

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mɔ, na sɛ ɔkɔyɛ yee a, bɛkɔlakalaka bɛ bɔ Nyameɛ aneanea nu waye bɛ ne po.

Luka 10:18

Na osele bɛ kyɛ, “Nwuni Satan kyɛ ofi nyameɛso waatɔ ase kyɛ agralaa ɔ.

Luka 16:31

Na obuale ye kyɛ, ‘Sɛ bengotie Mose ne ngɔmhyɛlɛfoɛ nemɔ a, ye de sɛ ebie fi awufoɛ nu dwɔso po a, bengole ngoli.’ ”

Yohane 12:37

Ɔwɔ nu kyɛ né wayɔ nzɛngyerɛnneɛ pee wɔ bɛ nyunu de, nakoso banne ye banni.

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 2:18

Yeɛ Yudafoɛ nemɔ bisale ye kyɛ, “Nzɛngyerɛnneɛ beni yeɛ ɛkɔyɔ kɔfa kohyire yɛ kyɛ ele ye nwo ate kyɛ ɛyɔ ɛhe ɔ?”

Yohane 20:29

Na Yesu sele ye kyɛ, “Tɔmase, anwu me ne ati yeɛ afei ale ali ɔ? Bɛ bɔ bennwuni ye, ná bale bali ne, ɔte saleɛ ma bɛ!”

Yohane 4:49

Na biaa titireniɛ ne sele ye kyɛ, “Yɛ mene, bra, nnɛma mma ne wu koraka.”

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 15:12

Mmenia ne amukoraa bɛyɛle dinn, na betiele Banaba ne Pɔɔlo wɔ b’amaneɛ bɔ ɔfa nzɛngyerɛnneɛ ne anwanwadeɛ amukoraa bɔ Nyameɛ afa bɛ so wayɔ wɔ Amaenmaensofoɛ nu ne.

Asomafoɛ 2:19

Na ngɔma anwanwadeɛ kɔwa nyameɛso wɔ anwuro, yeɛ nzɛngyerɛnneɛ wɔ aseɛ so wɔ ase; mogya, see ne nwosina munguu kɔwa;

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 2:43

Asomafoɛ ne yɔle nzɛngyerɛnneɛ ne anwanwadeɛ pee, na bɛ nwo yɛle sona biala suro.

Asomafoɛ 4:30

Kyire wɔ tumi wɔ anwonyerɛsalɛ nu na boka maa yɛgyina wɔ Somvoɛ Krongron Yesu dumaa nu yɛyɔ anwanwadeɛ ne nzɛngyerɛnneɛ.”

Asomafoɛ 5:12

Na nzɛngyerɛnneɛ ne anwanwadeɛ pee fale asomafoɛ nemɔ so lale ali wɔ maen ne anu. Né bɛ mukoraa bayɛ adwene ko bayia nu wɔ Solomon Abrannaa so.

Asomafoɛ 6:8

Setefano bɔ adom ne tumi ayi ye tɛkyɛ ne yɔle nzɛngyerɛnneɛ ne anwanwadeɛ wɔ maen ne anu.

Asomafoɛ 7:36

Mose yeɛ ɔyele Yisraelfoɛ fili Misraim ɔ, na ɔyɔle nzɛngyerɛnneɛ ne anwanwadeɛ wɔ Misraim aseɛ so, Ɛpo Kɔkorɛ ne aso ne ɛserɛ so afoɛ aburanna.

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.

1 Korintofoɛ 1:22

Ofikyɛ Yudafoɛ bɛpena nzɛngyerɛnneɛ, yeɛ Helafoɛ koso bɛpena ewiase nworɛ.

2 Korintofoɛ 12:12

Nningyein bɔ bedi asomafoɛ paa nwo adanzeɛ ne, nyɔle ye wɔ ɛmɔ berɛ wɔ aboterɛ mukoraa ne nzɛngyerɛnneɛ, anwanwadeɛ ne tumi nnwumaa nu ɔ.

2 Tɛsalonika 2:9

Amumuyɛɛniɛ ne kɔfa abɔnzam dwumadie so yeɛ ɔkɔwa ɔ, na okonya tumi kɔyɔ nzɛngyerɛnneɛ ne nnakannaka anwanwadeɛ mukoraa.

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.