Yohane 4:42 - AHYERƐLƐ KRONGRON

⁴² Na besele braa ne kyɛ, “Afei de, nna wɔ noa dwirɛ ne ati yeɛ ɔmaa yɛde yɛdi ɔ, na mmom yɛ bɔbɔ yate, na yanwu kyɛ amba, ye ole ewiase Ngoadefoɛ ne.”

Yohane 4:42 Iomraidhean Croise

Yesaya 45:22

“Aseɛ so maen maen amukoraa, ɛ́mɔsa bɛ si bɛ́bra me berɛ beenya ngoa! Ofikyɛ me yeɛ nde Nyameɛ ɔ, na ebiala nne berɛ ko.

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Luka 2:32

kanea bɔ ɔkɔla wɔ ali kohyire Amaenmaensofoɛ ɔ bɔ ɔte wɔ maen Yisrael animnyam ne.”

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 11:17

Na Yesu dwuli berɛ nen, onwuni kyɛ Lasarɔso ali asieleɛ ne anu ɛlɛnna dada.

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yohane 4:29

“Ɛmɔbra bɛɛnea oo, biaa bie bɔ wahã bɔ mayɔ amukoraa wahyire me ɔ! Aso nna ye ole Kristo ne anaa?”

Yohane 4:41

Na ɔnate Yesu noa dwirɛ ne ati, mmenia pee bɔ bɛtra daa deɛ ne ɔ bele belili.

Asomafoɛ 13:23

Sɔ biaa he, ye bosofoɛ nu yeɛ Nyameɛ yele Yisrael Ngoadefoɛ Yesu, kyɛbɔ ye bɔhyɛ te ne.

Asomafoɛ 4:12

Na ngoalelɛ nne ebiala nu; ofikyɛ dumaa biala nne nyameɛso bo bɔ bafa bama wɔ adasa mmaa nu bɔ ɔsɛ kyɛ bede yɛ ngoa wɔ nu ɔ.”

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

2 Korintofoɛ 5:19

kyɛ, Nyameɛ nate Kristo so wahwe ewiase wabata ye nwo, wammu bɛ bɔne nwo ngondaa wandia bɛ, na wafa ngabonu he nwo dawurebɔlɛ wawura yɛ sa.

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.