Yohane 4:32 - AHYERƐLƐ KRONGRON

³² Na obuale bɛ kyɛ, “Nne aleɛ bɔ medi bɔ ɛmɔnze ɔ.”

Yohane 4:32 Iomraidhean Croise

YOB NWOMAA NE 23:12

Ye mmeraa bɔ wahyɛ ne, mmmuli so, na ye noa dwirɛ ne, ye nwo hia me maa mafa masie me ti anu.

Edwein 119:103

Wɔ dwirɛ ne, kyɛbɔ osi yɛ me fɛ ɔ! Ɔyɛ me noa nu fɛ tra woɛ!

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Edwein 63:5

Me kra ko koyi kyɛ ama ye aleɛ bɔ ɔyɛ fɛ ne bɔ naen bɔ walɔ ɔ, na ngɔfa me noa ngɔto ahurusi dwein ngɔye wɔ ayɛ.

Anyandera 14:10

Ahone di aworabɔlɛ a, ye ngome yeɛ ɔse ɔ, yeɛ sɛ ye nye gye koso a, sona foforɛ biala nnya ye anigye ne anu kyɛfa.

Anyandera 18:20

Sona noa dwirɛ ma ye ko yi, ye noa dwirɛ ma ye nwo tɔ ye.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Yohane 4:31

Na sɔ mmerɛ ne anu, asuafoɛ nemɔ srɛle ye kyɛ, “Rabi, didi.”

Yohane 4:33

Yiti asuafoɛ nemɔ bisabisale bɛ nwo kyɛ, “Ebie abrɛ ye aleɛ maa wali anaa?”

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Asomafoɛ 20:35

Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’