Yohane 4:24 - AHYERƐLƐ KRONGRON

²⁴ Nyameɛ te sunzum, na bɛ bɔ bɛsɔne ye ne, ɔsɛ kyɛ bɛsɔne ye wɔ sunzum nu ne nahorɛ nu.”

Yohane 4:24 Iomraidhean Croise

Edwein 145:18

AWURADE pingye bɛ bɔ besu bɛfrɛ ye ɔ amukoraa, amba, bɛ bɔ besu bɛfrɛ ye nahorɛ nu amukoraa.

Edwein 50:23

Sona bɔ ɔfa asennaa ɔbɔ afɔleɛ ma me ne, ɔhyɛ me animnyam; sona bɔ ye atee tengyɛ ne, ngɔmaa okonwu Nyameɛ ngoalelɛ ne.”

Edwein 51:17

Afɔleɛ bɔ Nyameɛ nye gye ye nwo ole ahone bɔ wabrɛ ye nwo ase ɔ; ao Nyameɛ, ahone bɔ wabrɛ ye nwo ase, ná ye wora abɔ de, ɛngɔpo.

Edwein 66:18

Sɛ ndwenene bɔne nwo wɔ me ti anu a, ahaa AWURADE andie me sufrɛ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yohane 4:23

Na mmerɛ ne ɔ́ba, na wawa, bɔ bɛ bɔ bɛsɔne nahorɛ nu ne, bɛkɔsɔne Baba ne wɔ sunzum nu ne nahorɛ nu; ofikyɛ sɔ mmenia ne yeɛ Nyameɛ pena kyɛ bɛsɔne ye ɔ.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 3:17

Afei, Awurade ole Sunzum ne, na nekaa bɔ Awurade Sunzum wɔ ne, fawɔnwodi wɔ berɛ.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

1 Timoteo 1:17

Afei, anidie ne animnyam hã daa daa Hene ne, bɔ ɔte ase daa, bɔ anyeɛ nnwu ye, Nyameɛ komapɛ twe ne, afebɔɔ! Amen.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”