Yohane 4:22 - AHYERƐLƐ KRONGRON

²² Ɛmɔ de, ɛmɔsɔne bɔ ɛmɔnze ye ɔ; nakoso yɛ de, yɛsɔne bɔ yɛse ye ɔ, ofikyɛ Yudafoɛ nu yeɛ ngoalelɛ ne ofi ɔ.

Yohane 4:22 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Ɛsra 4:2

Yiti bɛhɔle Serubabɛl ne mmusua mbanyi nemɔ berɛ beesele bɛ kyɛ, “Yɛbaaboka ɛmɔ so maa yɛsi sua ne, ofikyɛ ɛmɔ Nyameɛ bɔ ɛmɔsɔne ye ne, ye yeɛ yɛ koso yɛsɔne ye ɔ. Na yabɔ afɔleɛ yama ye alaa, fite Asiria hene Esa Hadon bɔ ɔfale yɛ wale wa ne aberɛ so.”

Edwein 147:19

Ɔlale ye dwirɛ ali hyirele Yakob, ɔfale ye ahyɛdeɛ ne ye nhyehyɛleɛ mane Yisrael.

Edwein 68:20

Yɛ Nyameɛ ne ɔte ngoalelɛ Nyameɛ, na Nyameɛ, bɔ ɔte AWURADE ne, ye yeɛ ɔpepɛ de sona fi ewue nu ɔ.

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 46:13

Mama me tenenee ne apingye, ɔnne dede koraa, me ngoalelɛ ne, ɔngɔhyɛ né wawa. Ngɔma ngoalelɛ kɔwa Sion, na ngɔma m’animnyam kɔwa Yisrael so.”

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Asomafoɛ 17:23

Ofikyɛ manate kuro ye anu, na manwu nningyein ahoroɔ bɔ ɛmɔsɔne bɛ ɔ. Manwu afɔleɛ bokyea ko bɔ bahyerɛ so kyɛ, ‘Ɛhe te nyameɛ bɔ yɛnze ye ne deɛ.’ Na bɔ ɛmɔsɔne ye nakoso ɛmɔnze ye ne, ye nwo dwirɛ yeɛ mekã mekyire ɛmɔ ye.

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 3:26

Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”

Romanfoɛ 11:18

Yiti ɔnzɛ kyɛ ɛmɔhoahoa bɛ nwo bekyire bakaa mmaen bɔ bɛpɛle bɛ beguale ne. Sɛ ɛmɔhoahoa bɛ nwo a, ɛmɔkaye kyɛ nna ɛmɔ yeɛ ɛmɔtira ndii ne anu ɔ, na mmom ndii ne yeɛ betira ɛmɔ nu ɔ.

Hebrifoɛ 7:14

Na ebiala se ye pefee kyɛ y’Awurade fi Yuda abusua nu; yeɛ Mose koso ammɔ sɔ abusua kure he dumaa wammata sɔfolilɛ nwo.