Yohane 4:18 - AHYERƐLƐ KRONGRON

¹⁸ ofikyɛ ɛne mmienzua nnu yeɛ batena ɔ; na bɔ ɛne ye bɛwɔ berɛ kekesaala ye po ne, nna ehu ɔ. Ahã nahorɛ wɔ ɛhe anwo.”

Yohane 4:18 Iomraidhean Croise

Gyenesise 20:3

Nyameɛ ɔɔhyene Abimɛlɛke laleɛ kɔngɔen ne, na osele ye kyɛ, “Nea, awu ayie, ɔnate braa ne bɔ aafa ye awa ne ati, ofikyɛ ɔte biaa bie aye!”

Gyenesise 34:2

Hiwiniɛ Hamɔ bɔ ɔte aseɛ ne aso hene ne, ɔwa Sɛkem nwuni Dina, na ɔhyɛle ye ɔne ye bɛlale.

Gyenesise 34:31

Nakoso bebuale kyɛ, “Né yiti yɛtena berɛ ma ɔyɛ y’eliɛma brasua ne kyɛ gyanderaniɛ anaa?”

Yeremia 3:20

Amba, brasua bɔ onni nahorɛ ne, kyɛbɔ onni nahorɛ mma ohu ne, sɔ ala yeɛ Yisrael awuro ama, ɛmɔanni nahorɛ bamma me ɔ, AWURADE noa dwirɛ ɛne.

Hesekiel 16:32

Ɛte brasua bɔ ɔsɛkye agyaa ɔ! Ɛte brasua bɔ ɛwɔfoɛ mɔ mmom yeɛ wɔ nye gye bɛ nwo tra ehu ɔ!

Hesekiel 16:35

“Yiti, gyanderaniɛ, tie AWURADE noa dwirɛ e!

Numeri 5:29

Ɛhe ole nungunɛhwenɛ nwo mmeraa, na ɔfa brasua bɔ ɔtɛ gya ohu, ná koso okofi ohu asi kogua ye nwo fiɛ nwo.

Marko 10:12

Yeɛ sɛ braa ne koso yira ohu ná ogya biaa foforɛ a, né ye koso wasɛkye agyaa.”

Yohane 4:16

Na Yesu sele ye kyɛ, “Kɔfrɛ ehu, ná ɛne ye bɛbra.”

Yohane 4:17

Braa ne buale ye kyɛ, “Nngya biaa.” Yesu sele ye kyɛ, “Ahã nahorɛ kyɛ, ‘Nngya biaa’ ɔ;

Yohane 4:19

Braa ne sele ye kyɛ, “Yɛ mene, menwu ye kyɛ ɛte ngɔmhyɛlɛniɛ.

Romanfoɛ 7:3

Yiti sɛ ohu te ase, ná ɔkɔ biaa foforɛ nwo a, né bɛfrɛ ye agyaasɛkyelɛniɛ. Nakoso sɛ ohu ne wu de a, sɔ mmeraa ne ngyekye ye ko, na afei sɛ okogya biaa foforɛ a, né ye de ɔssɛkyele agyaa.

Hebrifoɛ 13:4

Odi kyɛ ebiala di agyaa ni, na nnɛma ebiala gua agyaa mba nwo fiɛ, ofikyɛ Nyameɛ kobua adwamanbɔlɛfoɛ ne agyaasɛkyelɛfoɛ ndɛen.

Rutu 4:10

Afei koso, Moaboniɛ Rutu, bɔ né ɔte Malon aye ne, magya ye, amaa ɔnate so sona bɔ wawu ne, ye dumaa ahɔ so wala ye agyapadeɛ so; amaa ɔnate so sona bɔ wawu ne, ye dumaa angyikyi wamvi ye abusua ɔne ye kuro nu. Ɛnɛ, ɛmɔte m’adanzefoɛ.”