Yohane 4:1 - AHYERƐLƐ KRONGRON

¹ Afei Yesu nwuni kyɛ Farasiifoɛ nemɔ bate kyɛ ye, Yesu, ogu so onya asuafoɛ pee, ná ɔbɔ mmenia pee asu ɔtra Yohane.

Yohane 4:1 Iomraidhean Croise

Luka 1:76

Na wɔ, akwadaa he, bɛkɔfrɛ wɔ Anwuro Anwuroniɛ ne, ye ngɔmhyɛlɛniɛ; ɔnate kyɛ ekoli Awurade nyunu moa ekosiesie ye atee nu,

Luka 19:31

Na sɛ ebie bisa ɛmɔ kyɛ, ‘Nzu ati yeɛ ɛmɔsangye ye ɔ?’ a, ɛmɔhã kyɛ, ‘Awurade hia ye.’ ”

Luka 19:34

Na bebuale kyɛ, “Awurade hia ye!”

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 7:13

Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Luka 7:19

Na Yohane frɛle ye asuafoɛ nemɔ anu nyɔ somane bɛ wɔ Awurade berɛ, kyɛ beebisa ye kyɛ, “Aso wɔ ole bɔ ɔ́ba ne, anaa odi kyɛ yɛnea foforɛ ate?”

Yohane 3:22

Na ɛhemɔ asi ne, Yesu ne ye asuafoɛ nemɔ bɛhɔle Yudea aseɛ so; ɔne bɛ tenane berɛ, na ɔbɔle asu.

Yohane 3:26

Na bɛwale Yohane berɛ beesele ye kyɛ, “Rabi, biaa bɔ né ɛne ye bɛwɔ asue Yɔɔdan si dɔ, bɔ elili ye nwo adanzeɛ nen, tie, ye koso ɔ́bɔ asu, na mmenia mukoraa bébiri bɛ́kɔ ye berɛ.”

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

1 Korintofoɛ 1:17

Ofikyɛ Kristo anzoma me kyɛ mmamɔ asu, na mmom ɔsomane me kyɛ mmanga nzɛmba ne, bɔ memva kuro sona nworɛ yeɛ mekã ɔ, amaa Kristo mmeamudua ne wanyɛ mbaen.

1 Korintofoɛ 15:47

Bele nnɛterɛ yeɛ bɛbɔle sona bɔ oli moa ne ɔ, ofi nnɛterɛ nu. Sona bɔ ɔtɔ so nyɔ ne ole Awurade bɔ ofi nyameɛso ne.

1 Korintofoɛ 2:8

Ewiase atumifoɛ biala ande nworɛ he abo, ofikyɛ sɛ bɛtele ye bo a, ahaa bammɔ animnyam Hene ne mmeamudua nu.

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.

Yakobo 2:1

Aliɛmaa mɔ bɔ ɛmɔtira y’Awurade Yesu Kristo bɔ ɔte animnyam Hene ne gyidie nu ɔ, nnɛma ɛmɔfa nyeyemuɛ bɛbata ye nwo.

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”