Yohane 3:9 - AHYERƐLƐ KRONGRON

⁹ Na Nikodemo sele ye kyɛ, “Ɔkɔyɛ sɛɛ né ɛhemɔ bahora bawa nu sɔ?”

Yohane 3:9 Iomraidhean Croise

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Yesaya 42:16

Na ngɔyɛ anyesiniwaafoɛ taataa ngɔfa atee bɔ bɛnze so ɔ so; ngoli bɛ nyunu ngɔfa atimbire bɔ bɛnze so ɔ so. Ngɔma awosii kɔkakyi hyireinn wɔ bɛ nyunu, na ngɔma mmɔnga mmɔnga atee ne kɔla so. Bɔ ngɔyɔ ngɔma bɛ hɔ ɛne, na mengɔye me sa mengofi bɛ bo.

Luka 1:34

Na Maria bisale abɔfo ne kyɛ, “Nnwuni biaa le, na ɔkɔyɛ sɛɛ né ɛhe awa nu?”

Yohane 3:10

Yesu buale ye kyɛ, “Ɛte kyerɛkyerɛniɛ wɔ Yisrael, yeɛ koso ɛnde ɛhemɔ bo ɔ?

Yohane 3:4

Nikodemo buale ye kyɛ, “Ɔkɔyɛ sɛɛ né sona bɔ wanyi wayie ne, bahora bawo ye? Ɔkɔhora koowura ye maame kunu bieku maa bɛkɔwɔ ye anaa?”

Yohane 3:8

Mvrama bɔ kɔ nekaa bɔ okuro ɔ, na ɛte ye nga; nakoso ɛnze nekaa bɔ ofi ba ɔ, anaa nekaa bɔ ɔkɔ ɔ. Sɔ ala yeɛ ebiala bɔ bawo ye Sunzum nu ne ɔte ɔ.”

Yohane 6:52

Na ɛhe mane Yudafoɛ nemɔ bɛpɛle bɛ nwo besuli bɛ nwo aporowaa kyɛ, “Ɔkɔyɛ sɛɛ né biaa he wahora wafa ye nwonaen wamaa yali?”

Yohane 6:60

Na ye asuafoɛ nemɔ anu pee bɛtele sɔ dwirɛ nen, bɛhane kyɛ, “Ngyerɛkyerɛ he de, ɔyɛ se; nwa yeɛ ɔkɔhora kotie ɔ?”