Yohane 3:6 - AHYERƐLƐ KRONGRON

⁶ Bɔ bɛwole ye fi anwoɔnaen nu ne, ɔte anwoɔnaen; yeɛ bɔ bɛwole ye fi Sunzum nu ne, ɔte sunzum.

Yohane 3:6 Iomraidhean Croise

Gyenesise 5:3

Adam lili afoɛ ɛyaa ko ne aburasa nen, ɔwole ye sɛso baa bienzua bɔ osoma ye, na ɔtole ye dumaa Sɛte.

Gyenesise 6:12

Nyameɛ neane aseɛ, na onwuni kyɛ wasɛkye, ofikyɛ né mmenia mukoraa ama bɔne ali bɛ ti wɔ aseɛ so.

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

YOB NWOMAA NE 14:4

Nwa yeɛ ɔkɔhora konya bɔ ye nwo te okofi bɔ ye nwo nde ɔ nu ɔ? Ebiala ngɔhora!

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

Edwein 51:10

Ao Nyameɛ, bɔ ahone bɔ nu te ɔ wura me nu, ná fa sunzum bɔ ɔtengyɛ ɔ wura me nu.

Yohane 1:13

bɔ bamva mogya so, anaakyɛ anwoɔnaen apɛdeɛ so, anaakyɛ sona apɛdeɛ so, na mmom Nyameɛ nu yeɛ bɛwole bɛ ɔ.

Yohane 3:7

Yiti nnɛmaa ɔyɛ wɔ nwanwa kyɛ nga ngyirele wɔ kyɛ, ‘Ɔsɛ kyɛ bɛwo wɔ foforɛ ɔ.’

Romanfoɛ 7:18

Mese kyɛ nikyee paa biala ɔtte me nu: mekyire me bɔne nipadua ne. Ofikyɛ ɔhale me ngome a, ahaa paa yeɛ meyɔ ɔ, nakoso mengora ye yɔ.

Romanfoɛ 7:25

Mefa y’Awurade Yesu Kristo so meda Nyameɛ ase! Yiti m’adwene nu de, nde Nyameɛ mmeraa n’akoaa, nakoso me nwonaen nu de, nde bɔne akoaa.

Romanfoɛ 7:5

Mmerɛ bɔ né yɛwɔ anwoɔnaen nu ne de, yɛ bɔne akɔnnɔdeɛ bɔ mmeraa ne kanyane ye ne, ɔyɔle adwuma wɔ yɛ nwonaen akwaa nu osuli mmaa hɔle ewue.

Romanfoɛ 8:13

Ofikyɛ sɛ ɛmɔbɔ ɛmɔ bra kyɛbɔ anwoɔnaen ne kuro a, ɛmɔkowu. Nakoso sɛ ɛmɔfa Sunzum ne beku anwoɔnaen nnwumaa de a, ɛmɔkonya ngoa.

1 Korintofoɛ 6:17

Na sona bɔ ɔfa ye nwo bata Awurade ne, ɔne ye bɛyɛ ko sunzum nu.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

Galatiafoɛ 5:24

Na bɛ bɔ bɛte Kristo Yesu deɛ ne, babɔ anwoɔnaen ne ne ye akɔnnɔ, ɔne bɔ ɔhyɛ anwoɔnaen ne aso mmeamudua nu.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

Kolosefoɛ 2:11

Na ye nu koso yeɛ bapɛ ɛmɔ bienzua bɔ bamva bɛ sa yeɛ bɛpɛle ɔ; na bɔ ɔwɔ anwoɔnaen nipadua nu bɔ bapuro bagua berɛ ne, bapuro bagua wɔ Kristo bienzuapɛlɛ nu.

1 Yohane 3:9

Ebiala bɔ Nyameɛ awo ye ne, ɔnyɔ bɔne, ofikyɛ ye sue ne te ye nu, na ɔngora nyɔ bɔne, ofikyɛ Nyameɛ yeɛ wawo ye ɔ.