Yohane 3:33 - AHYERƐLƐ KRONGRON

³³ Ebiala bɔ ode ye adanzeɛ ne to nu ne, osi ye pi kyɛ Nyameɛ te nahorɛniɛ.

Yohane 3:33 Iomraidhean Croise

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

Yohane 8:26

Na nne ɛmɔ nwo dwirɛ pee mekã, ɔne ɛmɔ nwo ndɛen mebua; na bɔ ɔsomane me ne te nahorɛniɛ. Na bɔ nde mvili ye berɛ ne ala yeɛ mekã mekyire wiase ɔ.”

Romanfoɛ 15:28

Yiti sɛ meyie sɔ adwuma ye, ná mefa ndoboa bɔ baye ne mema bɛ a, ngɔfa ɛmɔ berɛ ná matoa so mahɔ Sepania.

Romanfoɛ 4:11

Na bɛpɛle ye bienzua maa ɛhe yɛle sɛngyerɛnneɛ ne nzorɛhyɛlɛ bɔ ɔnate gyidie so onyane ye wɔ mmerɛ bɔ né bennya bɛppɛle ye bienzua ɔ. Na ɛhe kyire kyɛ, ebiala bɔ ɔte gyidiniɛ bɔ bennya bɛppɛle ye bienzua ne, Abraham te ye nana, amaa ɔnate so babu bɛ tenenee.

1 Korintofoɛ 9:2

Sɛ nnde somafoɛ mma ebiemɔ a, ɛmɔ de, nde somafoɛ ma ɛmɔ, ofikyɛ ɛmɔte me somafoɛyɛlɛ nzɔanoɛ wɔ Awurade nu.

2 Korintofoɛ 1:18

Na kyɛbɔ Nyameɛ di nahorɛ ngome ye de, yɛnga “Yoo” na yasa yahã “Daabi” yahyire ɛmɔ.

2 Korintofoɛ 1:22

Wafa ye nzɔanoɛ wahyɛ yɛ nzorɛ, na wama ye Sunzum ne atena yɛ nu asi yɛ nzolɛhyɛlɛ ne agyinayɛɛ.

Ɛfesofoɛ 1:13

Na ye nu yeɛ ɛmɔ koso, ɛmɔtele nahorɛ dwirɛ bɔ ɔte ɛmɔ ngoalelɛ nwo nzɛmba ne ɔ. Ye ala nu koso yeɛ ɛmɔle belili ɔ, na ɔfale Sunzum Krongron bɔ wahyɛ ye nwo bɔ ne hyɛle ɛmɔ nzorɛ kyɛ ɛmɔte ye deɛ,

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

Hebrifoɛ 6:17

Yiti mmerɛ bɔ Nyameɛ yɛle kyɛ ɔkɔma bɛ bɔ bɔhyɛ ne te bɛ deɛ konwu ye pefee kyɛ ɔnzesã ye adwene nen, ɔfale ndaen foale so.

1 Yohane 1:10

Na sɛ yɛkã kyɛ yɛyyɔle bɔne a, né yama wayɛ ngondomboniɛ, yeɛ ye dwirɛ ne koso ɔtte yɛ nu.