Yohane 3:32 - AHYERƐLƐ KRONGRON

³² Odi bɔ wanwu ye ɔ ɔne bɔ wate ɔ nwo adanzeɛ, nakoso ebiala nne ye adanzeɛ ne ndo nu.

Yohane 3:32 Iomraidhean Croise

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Yesaya 53:1

Edwirɛ bɔ yahã ne, nwa yeɛ wale wali ɔ? Nwa yeɛ AWURADE tumi ne wala ali wahyire ye ɔ?

Mateo 7:8

Ofikyɛ ebiala bɔ obisa ne, ye sa ka ye; na bɔ ɔpena ne, onwu ye; yeɛ bɔ ɔbɔ nu ne, bebukye ye.

Yohane 1:11

Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu.

Yohane 15:15

Memvrɛ ɛmɔ ngoaa ko, ofikyɛ akoaa nze bɔ ye mene ɔyɔ ɔ; na mmom mafrɛ ɛmɔ me damvo mɔ, ɔnate kyɛ edwirɛ biala bɔ mate mafi me Baba berɛ ne, mala ye ali mahyire ɛmɔ.

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 3:11

Nahorɛ nu paa, mekã mekyire wɔ kyɛ: Bɔ yɛse yeɛ yɛkã ɔ, na bɔ yanwu ye yeɛ yɛdi ye nwo adanzeɛ ɔ; nakoso ɛmɔnne yɛ adanzeɛ ne benni.

Yohane 3:26

Na bɛwale Yohane berɛ beesele ye kyɛ, “Rabi, biaa bɔ né ɛne ye bɛwɔ asue Yɔɔdan si dɔ, bɔ elili ye nwo adanzeɛ nen, tie, ye koso ɔ́bɔ asu, na mmenia mukoraa bébiri bɛ́kɔ ye berɛ.”

Yohane 3:33

Ebiala bɔ ode ye adanzeɛ ne to nu ne, osi ye pi kyɛ Nyameɛ te nahorɛniɛ.

Yohane 5:20

Ofikyɛ Baba ne kuro Baa ne dwirɛ, na okyire ye nikyee biala bɔ ye bɔbɔ ɔyɔ ɔ; na okohyire ye nnwumaa mbiri mbiri bɔ bɛtra ɛhemɔ ɔ, ná wayɛ ɛmɔ nwanwa.

Yohane 8:26

Na nne ɛmɔ nwo dwirɛ pee mekã, ɔne ɛmɔ nwo ndɛen mebua; na bɔ ɔsomane me ne te nahorɛniɛ. Na bɔ nde mvili ye berɛ ne ala yeɛ mekã mekyire wiase ɔ.”