Yohane 3:31 - AHYERƐLƐ KRONGRON

³¹ Bɔ ofi nyameɛso ba ne, odi mu tra mmenia mukoraa. Bɔ ofi aseɛ so ne, ɔte aseɛ so deɛ, na aseɛ so dwirɛ yeɛ ɔkã ɔ; na bɔ ofi nyameɛso ba ne, odi mu tra mmenia mukoraa.

Yohane 3:31 Iomraidhean Croise

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Yohane 1:15

Yohane lili ye nwo adanzeɛ, na ɔteane nu hane kyɛ, “Ɛhe ole bɔ ngane ye nwo dwirɛ kyɛ, ‘Bɔ oli me si ɔ́ba ne, odi mu tra me, ofikyɛ né ɔwɔ berɛ koraka yeɛ meba ɔ.’ ”

Yohane 1:27

Ye ole bɔ oli me si ɔ́ba, bɔ memvata kyɛ mesangye ye mbaboa nyamaa po ɔ.”

Yohane 1:30

Ɛhe ole bɔ ngane ye nwo dwirɛ kyɛ, ‘Biaa bie li me si ɔ́ba bɔ odi mu tra me ɔ, ofikyɛ né ɔwɔ berɛ koraka yeɛ meba ɔ.’

Yohane 3:30

Ye de, ɔsɛ kyɛ ɔkɔ ye nyunu tra me, ná me de, medi nziɛ ɔ.”

Yohane 6:33

Nyameɛ paanoo ne ole bɔ ofi nyameɛso ba ase, ná ɔma wiase ngoa ne.”

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

Yohane 8:23

Na obuale bɛ kyɛ, “Ɛmɔfi aseɛnwo wa, na me de, mvi anwuro. Ɛmɔfi wiase wa, na me de, mmvi wiase ye anu.

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Romanfoɛ 9:5

Bɛ yeɛ yɛ nana mbanyi mɔ bɛte bɛ deɛ ɔ; na anwoɔnaen nu, bɛ bosoniɛ ole Kristo bɔ ɔte nningyein mukoraa so Nyameɛ bɔ bayira ye afebɔɔ ne. Amen.

Hebrifoɛ 9:1

Na afei, né apam bɔ oli moa ne le ɛsɔnenɛ nwo nhyehyɛleɛ, ɔne aseɛ he aso nekaa krongron bɔ bɛsɔne ɔ.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

1 Yohane 4:5

Nakoso bɛ de bɛte wiase deɛ, yiti ewiase dwirɛ yeɛ bɛkã ɔ, na ewiase koso tie bɛ dwirɛ.

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”