Yohane 3:27 - AHYERƐLƐ KRONGRON

²⁷ Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Yohane 3:27 Iomraidhean Croise

Yeremia 1:5

“Anzana mebaanwo wɔ wɔ bɛ kunu ne, né mese wɔ, anzana ɛbaafi bɛ kunu ba ne, né mate wɔ nwo; na nduli wɔ nziele berɛ nyɛle wɔ ngɔmhyɛlɛniɛ mane Amaenmaensofoɛ.”

Yeremia 17:16

Nakoso me de, neafoɛ adwuma bɔ ɔkɔmaa ngoli wɔ si ne, mannwati mamvi ye nwo, yeɛ musue kyẽa ne, nnneane ye ate; wɔ bɔbɔ ɛse. Bɔ ofi me noa wale ne, ɔla wɔ nyunu.

Amose 7:15

na AWURADE yele me maa nyakyili mmoaen so nealɛ, na AWURADE sele me kyɛ, ‘Kɔ ná kɔhyɛ ngɔm kyire me maen Yisrael.’

Numeri 17:5

Na sona bɔ ngɔneanea nu ngɔye ye ne, ye pɔmaa deɛ kɔfefɛ. Na ɔnate so ngɔma Yisraelfoɛ bɛ komvi bɔ bɛpenepene begua ɛmɔ so daa biala ne, ye bo kɔpɛ.”

Mateo 21:25

Yohane asubɔlɛ ne, ofi nisua? Ofi nyameɛso anaa ofi mmenia berɛ?” Na bɛdwenedwenene ye nwo besisele bɛ nwo kyɛ, “Sɛ yɛkã kyɛ, ‘Ofi nyameɛso’ a, okobisa yɛ kyɛ, ‘Nzaade, nzu ati yeɛ ɛmɔanne ye banni ɔ?’

Mateo 25:15

Na ɔmane ko talɛnde nnu, ɔmane ko wora talɛnde nyɔ, yeɛ ko wora ɔmane ye talɛnde ko; kyɛbɔ bɛ nu biala ye mmɔdenbɔlɛ osi te ɔ, na afei otuli atee ne.

Marko 13:34

Ɔte kyɛ biaa bie bɔ otuli atee yakyili ye awuro berɛ, bɔ ɔfale ye awuro ne wurale ye ngoaa mɔ sa, bɔ ɔfale ebiala adwuma wura ye sa ngoko ngoko, ná ɔhyɛle anoa wɛmvoɛ ne kyɛ ɔwɛne ɔ.

Yohane 10:41

Na mmenia pee bɛwale ye berɛ, na bɛhane kyɛ, “Yohane anyɔ nzɛngyerɛnneɛ biala de, nakoso edwirɛ biala bɔ Yohane hã fale biaa he nwo ne, ɔte nahorɛ.”

Yohane 6:65

Na ɔhane kyɛ, “Ɔnate ɛhe ati yeɛ mahã mahyire ɛmɔ kyɛ, ebiala ngɔhora ngɔwa me berɛ, sana Baba ne afa ye wama me.”

Romanfoɛ 1:5

bɔ ɔnate ye so yeɛ yanya adom ne asomafoɛ adwuma bɔ yɛfa yɛma amaen maen mukoraa bɛyɛ sotie wɔ gyidie ne dumaa ne anwo,

Romanfoɛ 12:6

Yiti ɛ́mɔma yɛfa yɛ adom akyɛdeɛ ahoroɔ ne yɛyɛ adwuma kyɛbɔ Nyameɛ alo yɛ ɔ. Sɛ ɔte ngɔmhyɛlɛ a, ɛmɔma yɛhyɛ ngɔm kyɛbɔ yɛ gyidie te ɔ;

1 Korintofoɛ 1:1

Krataa he fi me Pɔɔlo, bɔ Nyameɛ nate ye pɛ so wafrɛ me kyɛ nyɛ Kristo Yesu somafoɛ ɔ, ɔne aliɛmaa Sositene berɛ.

1 Korintofoɛ 12:11

Sunzum komapɛ ne ala yeɛ ɔyɔ ɛhemɔ amukoraa ɔ, na ɔma ebiala akyɛdeɛ kyɛbɔ ye bɔbɔ okuro ɔ.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 3:5

Pɔɔlo te nzu? Apolo te nzu? Yɛte Nyameɛ ngoaa bɔ ɛmɔnate yɛ so bele belili ɔ, na yɛ nu ko biala le adwuma kyɛbɔ Awurade afa awura ye sa ɔ.

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

Galatiafoɛ 1:1

Me Pɔɔlo, offi kuro sona, yeɛ ɔnnate sona so; na mmom ɔnate Yesu Kristo ne Baba Nyameɛ bɔ otingyele ye fili awofoɛ nu ne so yeɛ maayɛ somafoɛ ɔ.

Ɛfesofoɛ 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ ne, mefa mebrɛ anwoteefoɛ bɔ bɛwɔ Ɛfeso bɔ bɛte Kristo Yesu nu agyidifoɛ ne.

1 Timoteo 2:7

Na ɛhe ati yeɛ batu me basie berɛ bayɛ me nzɛmbahanɛniɛ ne somafoɛ ɔ, (mekã nahorɛ [wɔ Kristo nu], na membɛ ngondombo), nde Amaenmaensofoɛ nu kyerɛkyerɛniɛ wɔ gyidie ne nahorɛ nu.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.