Yohane 3:21 - AHYERƐLƐ KRONGRON

²¹ Nakoso ebiala bɔ ɔyɔ bɔ ɔte nahorɛ ne de, ɔba kanea ne anwo, kyɛbɔ ɔkɔyɛ bɔ ye yɔleɛ kɔla ali pefee kyɛ wayɛ sotie wama Nyameɛ ɔ.”

Yohane 3:21 Iomraidhean Croise

Edwein 119:105

Wɔ dwirɛ ne te me gya bo kanea, yeɛ ɔte hyireinn wɔ m’atee so.

Edwein 119:80

Maa m’ahone nu ɔyɛ sannwuu wɔ w’ahyɛdeɛ so lilɛ nwo, amaa ɔnate so me nyunu wangua ase.

Yesaya 26:12

O AWURADE, wɔ yeɛ ahyehyɛ asomdwee ama yɛ ɔ, na bɔ yɛkora ye yɔ amukoraa, wɔ yeɛ ɛyɔ ma yɛ ɔ.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Hosea 14:8

Ao Efraim, nzikyɛ yeɛ me ne mmosoen yɛle ye yɛyɔ bieku ɔ? Me yeɛ mema ye mmuayɛɛ, ná menea ye so ɔ; nde kyɛ ɛframmire monɛ bɔ ye nyaa mboro ɔ, na me so yeɛ enya wɔ mmakaammaa ɔ.

Yohane 1:47

Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!”

Yohane 3:20

Ɔnate kyɛ, ebiala bɔ ɔyɔ bɔne ne, okyi kanea ne, na ɔmma kanea ne nwo, kyɛbɔ ɔkɔyɛ bɔ ye yɔleɛ ngɔla ali ɔ.

Yohane 5:39

Ɛmɔpɛnzɛpɛnzɛ Ahyerɛlɛ ne anu, ofikyɛ ɛmɔdwene kyɛ ɛmɔle daa ngoa wɔ nu; na ye ala yeɛ odi me nwo adanzeɛ ɔ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

Galatiafoɛ 6:8

Na bɔ sona biala dua ye wɔ anwoɔnaen akɔnnɔ nu ne, okonya ewue kofi anwoɔnaen nu; nakoso bɔ odua ye wɔ Sunzum nu ne, okonya daa ngoa kofi Sunzum nu.

Ɛfesofoɛ 5:9

ofikyɛ kanea mmaa bɔ osu ne, ɔda ali wɔ bra paa ne tenenee ne nahorɛ amukoraa nu;

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Yohane 1:6

Yiti sɛ yɛkã kyɛ yɛne ye atira abiɛngoɛ, nakoso yɛnate awosii nu a, né ye de yɛlaka, na yɛmmɔ yɛ bra wɔ nahorɛ nu.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.

Nyekyire 3:15

Mese wɔ nnwumaa: wɔ ahɔ a ɛtte frɔlɔɔ, yeɛ ɛnyɛ hye koso. Na ɔhale me ngome a, ahaa ɛte frɔlɔɔ anaa ɛyɛ hye.