Yohane 3:2 - AHYERƐLƐ KRONGRON

² Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 3:2 Iomraidhean Croise

1 Ahemvo 17:24

Yiti braa ne sele Elia kyɛ, “Afei de manwu kyɛ ɛte Nyameɛ sona, na amba AWURADE dwirɛ yeɛ otua wɔ noa ɔ.”

Yesaya 51:7

“Ɛ́mɔtie me, ɛmɔ bɔ ɛmɔse tenenee ɔ, maen bɔ me mmeraa wɔ b’ahone nu ɔ; nnɛma ɛmɔsuro mmenia animguaseɛ bɔ begua ɛmɔ ɔ, yeɛ nnɛmɔma bɛ nzoaapepɛlɛ ne obu ɛmɔ abasa nu.

Yeremia 38:16

Yeɛ Nana Sedekia feale ye nwo tale ndaen hyirele Yeremia kyɛ, “Kyɛ AWURADE bɔ ɔbɔle yɛ kra ɔte ase ye, mengohu wɔ, yeɛ mengɔfa wɔ mengowura bɛ bɔ bɛpena wɔ beku wɔ nemɔ bɛ sa.”

Mateo 22:16

Na bɛsomane b’asuafoɛ mɔ ne Herodefoɛ maa bɛwale ye berɛ beebisale ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ekyirekyire Nyameɛ atee ne turoloo, ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea.

Mateo 23:7

ɔne kyɛ mmenia kobisa bɛ ahye wɔ dwaaso ɔ, ɔne kyɛ mmenia kɔfrɛ bɛ ‘kyerɛkyerɛniɛ’ ɔ.

Mateo 23:8

Nakoso ɛmɔ de, onni kyɛ bɛfrɛ ɛmɔ: ‘kyerɛkyerɛniɛ’ ɔ, ofikyɛ ɛmɔ Kyerɛkyerɛniɛ te komapɛ, na ɛmɔ amukoraa bɛte aliɛmaa.

Marko 12:14

Na bɛwale nen, besele ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea, na mmom ekyirekyire Nyameɛ atee ne nahorɛ nu. Aso mmeraa ma ate kyɛ yɛtua ɛtoɔ yɛma Kaesare, anaakyɛ ɔmma ate? Yɛ́tua anaakyɛ nnɛmaa yɛtua?”

Yohane 1:38

Yesu kakyili ye nwo, na onwuni kyɛ beli ye si nen, obisale bɛ kyɛ, “Ɛmɔpena nzu?” Na bebuale ye kyɛ, “Rabi” (ye bo kyire Kyerɛkyerɛniɛ), “nisua yeɛ ɛte ɔ?”

Yohane 10:38

Na sɛ meyɔ, ná ɛmɔnne me benni po a, nnwumaa ne de odi kyɛ ɛmɔde bedi, amaa ɔnate so ɛmɔanwu ye, ná ɛmɔale bali kyɛ Baba ne ɔte me nu, na me koso nde Baba ne nu.”

Yohane 12:37

Ɔwɔ nu kyɛ né wayɔ nzɛngyerɛnneɛ pee wɔ bɛ nyunu de, nakoso banne ye banni.

Yohane 14:10

Aso enne nni kyɛ nwɔ Baba ne nu, ná Baba ne koso ɔwɔ me nu ɔ? Edwirɛ mɔ bɔ mekã mekyire ɛmɔ ne, nna me bɔbɔ me tumi yeɛ mefa mekã ɔ; na mmom Baba ne bɔ ɔte me nu ne, ye yeɛ ɔyɔ ye nnwumaa ne ɔ.

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 2:11

Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.

Yohane 20:16

Na Yesu sele ye kyɛ, “Maria!” Na ɔkakyili ye nwo sele ye wɔ Hebri dwudwolɛ nu kyɛ, “Raboni!” (ye bo kyire Kyerɛkyerɛniɛ.)

Yohane 3:26

Na bɛwale Yohane berɛ beesele ye kyɛ, “Rabi, biaa bɔ né ɛne ye bɛwɔ asue Yɔɔdan si dɔ, bɔ elili ye nwo adanzeɛ nen, tie, ye koso ɔ́bɔ asu, na mmenia mukoraa bébiri bɛ́kɔ ye berɛ.”

Yohane 4:31

Na sɔ mmerɛ ne anu, asuafoɛ nemɔ srɛle ye kyɛ, “Rabi, didi.”

Yohane 5:36

Na me de, m’adanzeɛ ne ɔtra Yohane deɛ ne; ofikyɛ nnwumaa bɔ Baba ne wafa wama me kyɛ nyɔ nyie nen, sɔ nnwumaa hemɔ ala bɔ meyɔ ne, bedi me nwo adanzeɛ kyɛ Baba ne yeɛ wasoma me ɔ.

Yohane 6:2

Na mmenia pembepembe lili ye si; ɔnate kyɛ né banwu nzɛngyerɛnneɛ bɔ ɔyɔ fa sale mmenia anwonyerɛ ne.

Yohane 7:31

Nakoso mmenia nemɔ anu pee belele ye belili, na bɛhane kyɛ, “Kristo ne, sɛ ɔba a, aso ɔkɔyɔ nzɛngyerɛnneɛ pee kɔtra bɔ biaa he wayɔ ye?”

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Filipifoɛ 1:14

na ɔnate me kukunu nnaa ne ati, aliɛmaa nemɔ nu pee bɔ bɛwɔ Kristo nu ne banya nguraenhyɛ, na bɛkora besi bɛ hue bɛkã Nyameɛ dwirɛ ne bɔ benzuro hwee ɔ.

Maenbulɛfoɛ 6:27

Yiti Gideon fale ye somvoɛ nemɔ anu buru, na ɔyɔle kyɛbɔ AWURADE sele ye ne ala. Nakoso né osuro ye abusuafoɛ ɔne kuro berɛ ama, yiti wanyɔ ye eyia na mmom ɔyɔle ye kɔngɔen.