Yohane 3:11 - AHYERƐLƐ KRONGRON

¹¹ Nahorɛ nu paa, mekã mekyire wɔ kyɛ: Bɔ yɛse yeɛ yɛkã ɔ, na bɔ yanwu ye yeɛ yɛdi ye nwo adanzeɛ ɔ; nakoso ɛmɔnne yɛ adanzeɛ ne benni.

Yohane 3:11 Iomraidhean Croise

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Yesaya 53:1

Edwirɛ bɔ yahã ne, nwa yeɛ wale wali ɔ? Nwa yeɛ AWURADE tumi ne wala ali wahyire ye ɔ?

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Yesaya 65:2

Ndrɛtrɛle me sa nu daa mukoraa mane maen bɔ wayɛ lɔen ne, bɔ bɛnate atee bɔ ɔtte mayee so, bɔ bedi bɛ bɔbɔ bɛ ti piri ne;

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 1:11

Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 12:49

Ofikyɛ nna me bɔbɔ me tumi so yeɛ mefa medwudwo ɔ; na mmom Baba ne bɔ ɔsomane me ne, ye yeɛ wafa bɔ nga ɔne kyɛbɔ nzi nga ye ɔ nwo ahyɛdeɛ wama me ɔ.

Yohane 14:24

Na ebiala bɔ onguro me dwirɛ nen, onni me dwirɛ so; na edwirɛ bɔ ɛmɔte ye, ɔtte me deɛ, na mmom ɔte Baba ne bɔ ɔsomane me ne deɛ.

Yohane 3:12

Sɛ mahã aseɛ so dwirɛ mahyire ɛmɔ, ná ɛmɔnne benni a, ɔkɔyɛ sɛɛ yeɛ sɛ mekã nyameɛso dwirɛ mekyire ɛmɔ a, ɛmɔkole koli ɔ?

Yohane 3:13

Ebiala nne berɛ bɔ wafo wahɔ nyameɛso ɔ, sana bɔ ofi nyameɛso odwu wale ne, Sona Awa ne [bɔ ɔwɔ nyameɛso ne.]

Yohane 3:3

Na Yesu buale ye kyɛ, “Nahorɛ nu paa, mekã mekyire wɔ kyɛ: Ebiala ngɔhora ngonwu Nyameɛ ahennie ne, sana bawo ye foforɛ.”

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Yohane 5:43

Me Baba dumaa nu yeɛ mmale ɔ, nakoso ɛmɔnne me bɛndo nu; na sɛ ebie ba ye bɔbɔ ye dumaa nu a, ye de ɛmɔkole ye bɛkɔto nu.

Yohane 7:16

Na Yesu buale bɛ kyɛ, “Me ngyerɛkyerɛ ne ɔtte me deɛ, na mmom ɔte bɔ ɔsomane me ne deɛ.

Yohane 8:14

Na Yesu buale bɛ kyɛ, “Sɛ medi me bɔbɔ me nwo adanzeɛ po a, m’adanzeɛ ne te nahorɛ; ofikyɛ mese nekaa bɔ mvi mmale ɔ, ɔne nekaa bɔ mékɔ ɔ. Nakoso ɛmɔ de, ɛmɔnze nekaa bɔ mvi mmale ɔ anaa nekaa bɔ mékɔ ɔ.

Yohane 8:26

Na nne ɛmɔ nwo dwirɛ pee mekã, ɔne ɛmɔ nwo ndɛen mebua; na bɔ ɔsomane me ne te nahorɛniɛ. Na bɔ nde mvili ye berɛ ne ala yeɛ mekã mekyire wiase ɔ.”

Yohane 8:38

Bɔ manwu ye wɔ me Baba berɛ ne, ye yeɛ mekã ɔ, na ɛmɔ de, bɔ ɛmɔate bafi ɛmɔ baba berɛ yeɛ ɛmɔyɔ ɔ.”

Asomafoɛ 22:18

Nwuni Awurade, na osele me kyɛ, ‘Ma wɔ nwo yɛ nyera ná fi Yerusalem, ofikyɛ bengole w’adanzeɛ bɔ ekoli kɔfa me nwo ne ngɔto nu.’

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe: