Yohane 21:16 - AHYERƐLƐ KRONGRON

¹⁶ Yesu bisale ye ye pɛen nyɔ so kyɛ, “Simɔn, Yohane awa, aso ekuro me dwirɛ?” Obuale ye kyɛ, “Yoo, Awurade, ɛse kyɛ mekuro wɔ dwirɛ.” Yesu sele ye kyɛ, “Nea me mmoaen nemɔ so.”

Yohane 21:16 Iomraidhean Croise

Edwein 100:3

Ɛ́mɔnwu ye kyɛ AWURADE yeɛ ɔte Nyameɛ ɔ, ye yeɛ ɔbɔle yɛ ɔ, na yɛte ye deɛ; yɛte ye maen ne ye mmoaen bɔ ɔma bɛ aleɛ ɔ.

Edwein 95:7

Ofikyɛ ɔte yɛ Nyameɛ, na yɛte ye mmenia bɔ ɔma bɛ aleɛ ɔ, ɔne ye sa nu mmoaen. Ao, sɛ ahaa ɛnɛ ɛmɔkotie ye noa dwirɛ a!

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 2:6

‘Wɔ, Betlehem bɔ ɛwɔ Yuda aseɛ so ɔ, wɔ dibea wɔ Yuda atitirefoɛ nu ɔtte ba; ɔnate kyɛ wɔ nu yeɛ maenbulɛniɛ bɔ ɔbaanea me maen Yisrael so ne okofi kɔwa ɔ.’ ”

Mateo 25:32

Na ɔkɔboaboa maen maen amukoraa noa wɔ ye nyunu. Na ɔkɔhyɛ bɛ nu kyɛbɔ mmoaenneafoɛ yeye mmoaen fi mbɔngye nu ɔ.

Mateo 26:72

Na Petro tale ndaen sale bieku kyɛ, “Biaa ne, menze ye oo!”

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Yohane 18:17

Yeɛ afaneɛ bɔ ɔwɛne anoa ne bisale Petro kyɛ, “Wɔ koso, biaa he asuafoɛ nemɔ, aso nna bɛ nu ko ole wɔ?” Na obuale kyɛ, “Daabi oo.”

Yohane 18:25

Né Simɔn Petro gyi berɛ ɔto see. Yeɛ bebisale ye kyɛ, “Wɔ koso, ye asuafoɛ nemɔ, aso nna bɛ nu ko ole wɔ?” Na ɔsale kyɛ, “Mmmoka so oo!”

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

Nyekyire 7:17

Ofikyɛ Boaen Ba bɔ ɔwɔ ahennie bia n’afia berɛ ne, ɔkɔyɛ bɛ Neafoɛ, ɔkɔyɛ bɛ taataa kɔhɔ ngoa asue mɔ ti, na Nyameɛ kokyikyi bɛ nye abo moen amukoraa.”