Yohane 21:15 - AHYERƐLƐ KRONGRON

¹⁵ Na bedidili beyiele nen, Yesu bisale Simɔn Petro kyɛ, “Simɔn, Yohane awa, aso ekuro me dwirɛ tra ɛhemɔ?” Obuale ye kyɛ, “Yoo, Awurade, ɛse kyɛ mekuro wɔ dwirɛ.” Yesu sele ye kyɛ, “Nea me mmoaen mmaa nemɔ so!”

Yohane 21:15 Iomraidhean Croise

Gyenesise 33:13

Nakoso Yakob sele ye kyɛ, “Me mene se kyɛ ngwadaa nemɔ bɛ mve ottini, yeɛ mmoaen ne nandwie bɔ bɛ mma tua nyɔfone noa koso boka me so; na sɛ yɛmaa bɛnate pee ɛlɛho a, ngaka ne amu kowuwu.

2 Samuel 7:20

Nzikyɛ dwirɛ bieku koraa yeɛ nga ngyire wɔ ɔ? Ofikyɛ, AWURADE Nyameɛ, wɔ yeɛ ɛse wɔ somvoɛ ɔ.

2 Ahemvo 20:3

“Ao AWURADE, kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ wɔ wɔ nyunu ne, mesrɛ wɔ, fa wɔ nye to.” Na Hesekia suni hahii.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yeremia 23:4

Ngɔye mmoaenneafoɛ bɔ bɛkɔnea bɛ so ɔ, na bengosuro ko, bɛ kunu ngɔtete bɛ, yeɛ bɛ nu biala ngomini, AWURADE noa dwirɛ ɛne.

Yeremia 3:15

“ ‘Ngɔye neafoɛ mɔ bɔ bɛla m’ahone nwo ɔ ngɔma ɛmɔ, bɔ bɛkɔfa nimdeɛ ne nworɛ bɛkɔtete ɛmɔ ɔ.

Hesekiel 34:23

Ngɔma mmoaenneafoɛ ko kɔnea bɛ so. Ye ole me somvoɛ Dawide. Ɔkɔma bɛ aleɛ, ɔkɔma bɛ aleɛ ná wayɛ bɛ so mmoaenneafoɛ.

Hesekiel 46:24

Yeɛ osele me kyɛ, “Ɛhemɔ ole gyaale mɔ, nekaa bɔ awuro ne anu somvoɛ mɔ bɛkɔto mmenia nemɔ b’afɔleɛ bɔ bahu ye ne.”

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 26:33

Yeɛ Petro buale ye kyɛ, “Sɛ wɔ nwo kɔyɛ sundidua kɔma bɛ mukoraa po a, me de, ɔngɔyɛ sundidua ngɔma me le!”

Mateo 26:35

Na Petro buale ye kyɛ, “Sɛ ɔba kyɛ me ne wɔ yɛwu po a, mengɔhã kyɛ menze wɔ!” Na sɔ ala yeɛ asuafoɛ nemɔ amukoraa bɛhane ɔ.

Marko 14:29

Yeɛ Petro sele ye kyɛ, “Sɛ ɔkɔyɛ sundidua kɔma bɛ mukoraa po a, me de, ɔngɔyɛ sundidua ngɔma me.”

Luka 12:32

“Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Yohane 1:42

Ɔfale ye hɔle Yesu berɛ, na Yesu neane ye haa sele kyɛ, “Wɔ ole Simɔn, Yohane awa ne. Bɛkɔfrɛ wɔ Kefa.” (Ye bo kyire Petro).

Yohane 13:37

Na Petro bisale ye kyɛ, “Awurade, nzu ati yeɛ mengɔhora mengoli wɔ si kekesaala ye ɔ? Ngɔfa me ngoa ngɔto berɛ ngɔma wɔ!”

Yohane 16:27

ɔnate kyɛ Baba ne bɔbɔ okuro ɛmɔ dwirɛ, ofikyɛ ɛmɔkuro me dwirɛ, na ɛmɔale bali kyɛ Baba ne berɛ yeɛ mvi mmale ɔ.

Yohane 21:12

Yeɛ Yesu sele bɛ kyɛ, “Ɛmɔbra beedidi.” Nakoso asuafoɛ nemɔ nu biala wangora wammisa ye kyɛ, “Nwa ole wɔ?” Né bɛse kyɛ Awurade ɔ.

Yohane 21:7

Yeɛ suaniɛ bɔ Yesu kuro ye dwirɛ paa ne, osele Petro kyɛ, “Awurade ɔ!” Na Simɔn Petro tele kyɛ Awurade ahɔ nen, ɔfale ye ataadeɛ aguasoɛ ne wurale (ɔnate kyɛ né waye ye nwo), na ohuruli ye nwo tole ɛpo ne anu.

Yohane 8:42

Yeɛ Yesu buale bɛ kyɛ, “Sɛ ɛmɔ Baba ole Nyameɛ a, ahaa ɛmɔkohuro me dwirɛ, ofikyɛ Nyameɛ nu yeɛ mvi mmale ɔ. Mamva me bɔbɔ me tumi so yeɛ mmale ɔ, na ye yeɛ ɔsomane me ɔ.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 20:29

Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa.

Romanfoɛ 14:1

Sona bɔ ɔyɛ mmerɛ wɔ gyidie nu ne, ɛ́mɔle ye bɛto nu, na nnɛma ɛmɔ ne ye su aporowaa fa nikyee bɔ ɛmɔ ne ye nyɛ adwene nwo.

Romanfoɛ 15:1

Yɛ bɔ yɛ nwo yɛ se wɔ gyidie nu ne, ɔsɛ kyɛ yɛsoa bɛ bɔ bɛ nwo nyɛ se nemɔ bɛ mmerɛyɛlɛ, na ɔnzɛ kyɛ yɛyɔ bɔ ɔkɔma yɛ nwo kɔtɔ yɛ angome.

1 Korintofoɛ 8:11

Na eliɛma bɔ ɔyɛ mmerɛ, bɔ Kristo wu mane ye ne, aso ɔnate wɔ nimdeɛ ti ɔsɛ kyɛ owu anaa?

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

Ɛfesofoɛ 6:24

Bɛ bɔ befi b’ahone nu bekuro y’Awurade Yesu Kristo dwirɛ amukoraa ne, adom ɔyɛ bɛ deɛ.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

1 Petro 1:8

Ye yeɛ ɛmɔnnwuni ye, nakoso ɛmɔkuro ye dwirɛ; ɔwɔ nu kyɛ kekesaala ye de ɛmɔnnwu ye, nakoso ɛmɔde ye bedi, na ɛmɔanya anigye bɔ olle kabea bɔ animnyam wɔ nu ɔ,

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.

1 Yohane 4:19

Yɛkuro ye dwirɛ, ofikyɛ ye yeɛ olili moa hurole yɛ dwirɛ ɔ.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.