Yohane 20:9 - AHYERƐLƐ KRONGRON

⁹ Né bennya bɛttele Ahyerɛlɛ ne abo, kyɛ odi kyɛ otingye fi awufoɛ nu ɔ.

Yohane 20:9 Iomraidhean Croise

Edwein 16:10

Ofikyɛ ɛngɔma me kra ngɔha ɛborɔ, yeɛ ɛngɔma w’anwoteeniɛ ne ngɔporɔ ɛborɔ kumaa nu.

Edwein 22:15

Me komvi ayɛ wosee kyɛ nyangaa bue, na me temverema amata me nnaalɔ; afa me ato ewue kumaa nu.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Mateo 22:29

Yeɛ Yesu buale bɛ kyɛ, Ɛmɔafõ, ɔnate kyɛ ɛmɔnze Ahyerɛlɛ ne, anaa Nyameɛ tumi ne.

Luka 24:26

Aso né onhia kyɛ Kristo ne onwu sɔ amaneɛ ne koraka ná wahɔ ye animnyam nu hɔ ɔ?”

Luka 9:45

Nakoso bande sɔ dwirɛ ne abo. Né bafa ye ndeaseɛ ne bafea bɛ kyɛbɔ bengonwu ye ɔ; na né besuro kyɛ bekobisa ye sɔ dwirɛ ne ɔ.

Yohane 2:22

Yiti, odwɔsole fili awufoɛ nu nen, ye asuafoɛ nemɔ kayele kyɛ ɔhane sɔ dwirɛ ne, na belele Ahyerɛlɛ ne ne Yesu dwirɛ bɔ ɔhane ne belili.

Asomafoɛ 17:3

Ohyirehyirele nu lili ye nwo adanzeɛ kyɛ, né ɔsɛ kyɛ Kristo ne nwu amaneɛ na odwɔso fi awufoɛ nu. Na ɔhane kyɛ, “Sɔ Yesu he bɔ mekã ye nwo dwirɛ mekyire ɛmɔ ne, ye ole Kristo ne.”

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

1 Korintofoɛ 15:4

Besiele ye, na ye ɛlɛsa so odwɔso fili ewue nu, kyɛbɔ Ahyerɛlɛ ne kã ne.