Yohane 20:31 - AHYERƐLƐ KRONGRON

³¹ Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 20:31 Iomraidhean Croise

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Marko 16:16

Sona bɔ okole koli ná bɛkɔbɔ ye asu nen, bekole ye ngoa; nakoso bɔ onne nni ne de, bekobua ye foɛ.

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Luka 1:4

amaa ɔnate so anwu nahorɛ pefee bɔ ɔwɔ ngyerɛkyerɛ bɔ bafa bama wɔ ne anu.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 10:10

Awueniɛ ne ɔmma, sana ɔbaawua, ná oku, ná ɔsɛkye; nakoso me de, mmale kyɛ bekonya ngoa, ná banya ye mmorosoɛ ɔ.

Yohane 19:35

Na sona bɔ onwuni ɛhe nen, wali ye nwo adanzeɛ; ye adanzeɛ ne te nahorɛ, na ye de, ɔse kyɛ ɔkã nahorɛ, amaa ɔnate so ɛmɔ koso bale bali.

Yohane 20:28

Na Tɔmase buale ye kyɛ, “M’Awurade ne me Nyameɛ!”

Yohane 3:18

Ebiala bɔ ode ye di ne, bemmua ye foɛ; nakoso bɔ onne nni ne de, babua ye foɛ dada, ofikyɛ onne Nyameɛ Awa komapɛ ne dumaa nni.

Yohane 3:36

Na ebiala bɔ ode Baa ne di ne, ole daa ngoa; yeɛ bɔ ɔnyɛ sotie mma Baa nen, ongonya ngoa, na Nyameɛ ahonehulɛ ba ye so.

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Yohane 6:40

Ɛhe ole me Baba n’apɛdeɛ, kyɛ ebiala bɔ onwu Baa ne, ná ode ye di ne, okonya daa ngoa; na ngotingye ye wɔ ayieleɛ kyẽa ne.”

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 3:16

Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Asomafoɛ 8:37

[Na Filipo buale kyɛ, “Sɛ ede di bɔkɔɔ wɔ w’ahone nu de a, bɛbɔ wɔ asu a ɔyɛ yee.” Na ye koso obuale ye kyɛ, “Mede medi kyɛ Yesu Kristo ole Nyameɛ Awa ne.”]

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

1 Petro 1:9

ofikyɛ ɛmɔgu so benya ɛmɔ gyidie ne nwo akatuaa, bɔ ɔte ngoalelɛ ma ɛmɔ kra ɔ.

1 Yohane 4:15

Na ebiala bɔ ɔpakye nu kã kyɛ Yesu ole Nyameɛ Awa nen, Nyameɛ te ye nu, na ye koso ɔte Nyameɛ nu.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

2 Yohane 1:9

Sona biala bɔ onni Kristo ngyerɛkyerɛ so ná mmom ɔfa bie bata ye nwo ne, ɔnze Nyameɛ. Nakoso sona biala bɔ odi Kristo ngyerɛkyerɛ so ne, ɔse Baba ne ne Baa ne.

Nyekyire 2:18

“Kyerɛ kɔma Tiatira asɔre ne anu abɔfo ne kyɛ, ‘Nyameɛ Awa ne, bɔ ye nye mmaa te kyɛ see bɔ ogye, bɔ ye gya nwo te kyɛ ayaa bɔ bahwi ye nwo nyemenenyemene ne, ye noa dwirɛ ɛhe: