Yohane 20:27 - AHYERƐLƐ KRONGRON

²⁷ Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”

Yohane 20:27 Iomraidhean Croise

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Mateo 17:17

Na Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me wa!”

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Luka 24:39

Ɛ́mɔnea me sa ne me gya, na me bɔbɔ ala ɔ. Ɛ́mɔsɔ me nu bɛ́nea; ofikyɛ ɛnwomee de olle anwoɔnaen ne mmowue kyɛbɔ ɛmɔnwu ye kyɛ nne ye ne.”

Luka 24:40

[Na ɔhane sɔ nen, ɔfale ye sa ne ye gya hyirele bɛ.]

Luka 9:41

Yeɛ Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena ma oodwu kyinzu, yeɛ nya ɛmɔ nwo aboterɛ ma oodwu kyinzu? Fa ɛwa ne bra wa!”

Yohane 20:20

Na ɔhane sɔ nen, ɔfale ye sa nu ne ye mvenu hyirele bɛ. Na asuafoɛ nemɔ nwuni Awurade nen, bɛ nye gyele.

Yohane 20:25

Yiti asuafoɛ ngaa nemɔ bɔle ye amaneɛ kyɛ, “Yanwu Awurade.” Nakoso obuale bɛ kyɛ, “Sɛ mannwu ye sa nu mberɛgoo ne boso, ná mamva me sa mmɛseka manga mberɛgoo ne boso, na mamva me sa manga ye mvenu a, mengole ngoli.”

Yohane 20:28

Na Tɔmase buale ye kyɛ, “M’Awurade ne me Nyameɛ!”

Romanfoɛ 5:20

Mmeraa ne de ɔwale maa bɔne trɛle, nakoso nekaa bɔ bɔne trɛle nen, Nyameɛ adom ne trɛle maa ɔbole so.