Yohane 20:26 - AHYERƐLƐ KRONGRON

²⁶ Na nziɛ ye, ye ɛlɛbɔtwɛ ne aso, né ye asuafoɛ nemɔ bɛwɔ awuro berɛ bieku, na né Tɔmase ɔboka bɛ so. Né batoto bɛ nwo anoa nu, nakoso Yesu wale oogyinane b’afia berɛ, na osele kyɛ, “Asomdwee hã ɛmɔ oo.”

Yohane 20:26 Iomraidhean Croise

Yesaya 26:12

O AWURADE, wɔ yeɛ ahyehyɛ asomdwee ama yɛ ɔ, na bɔ yɛkora ye yɔ amukoraa, wɔ yeɛ ɛyɔ ma yɛ ɔ.

Yesaya 27:5

Sana bɛbabɔ bɛ nwo adwaa wɔ me berɛ maa ɔnate so bɛ ne me tena asomdwee nu, maa bɛ ne me tena asomdwee nu.

Yesaya 54:10

Ofikyɛ, mmokaa kotutu kofi bɛ boso, yeɛ pambaa mɔ kɔwoso, nakoso me dɔ bɔ onni ngasi ne de, mengɔye mengofi wɔ so, na m’asomdwee apam ne, ongogu, AWURADE bɔ onwu wɔ anwumvoin ne, ye noa dwirɛ ɛne.

Mateo 17:1

Na ye elesia asi ne, Yesu fale Petro ne Yakobo ne oliɛma Yohane bokale ye nwo so, na ɔfale bɛ hɔle bokaa tendenn bie aso.

Marko 16:14

Na ɛhemɔ asi ne, ɔyele ye nwo ali hyirele asuafoɛ buru ne ko ne wɔ mmerɛ bɔ né bedidi ɔ. Na ohwili bɛ nyunu wɔ elelɛ bɔ banne banni, ɔne b’asoserɛ nwo, ofikyɛ banne bɛ bɔ benwuni ye kyɛ watingye ne banni.

Luka 24:36

Na begu so bɔ bɛkã sɔ dwirɛ nen, Yesu bɔbɔ oogyinane b’afia berɛ, [na osele bɛ kyɛ, “Asomdwee hã ɛmɔ oo!”]

Luka 9:28

Yesu hane sɔ dwirɛ nemɔ ne, ye si ye kɔyɛ ɛlɛbɔtwɛ, ɔfale Petro, Yohane ne Yakobo bokale ye nwo so, na ɔne bɛ hɔle bokaa bie aso kyɛ ɔkwaabɔ mbaeɛ.

Yohane 11:16

Yeɛ Tɔmase bɔ bɛfrɛ ye Ata ne, osele ye mmango asuafoɛ nemɔ kyɛ, “Ɛmɔma yɛ koso yɛhɔ bie, ná yɛne ye yɛɛwu!”

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Yohane 20:19

Na sɔ kyẽa ne ala nɔsoa, bɔ ɔte dapɛn ne anu kyẽa bɔ oli moa ne, Yudafoɛ nemɔ nwo suronyi ti, asuafoɛ nemɔ totole anoa nemɔ anu wɔ nekaa bɔ bɛboale bɛ noa ne, na Yesu wale oogyinane b’afia berɛ, na osele bɛ kyɛ, “Asomdwee hã ɛmɔ oo!”

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Yohane 21:1

Ɛhe asi ye, Yesu yele ye nwo ali bieku hyirele asuafoɛ nemɔ wɔ Tiberia mboanoa, na kyɛbɔ ɔyele ye nwo ali hyirele bɛ ne ɛhe:

Yohane 21:14

Ɛhe yeɛ ɔtɔ so pɛen nza bɔ Yesu tingyele fili awufoɛ nu ne, ɔyele ye nwo ali hyirele ye asuafoɛ nemɔ ɔ.

Asomafoɛ 1:3

Na Yesu wue ne asi ne, ɔnate atee ne sue ahoroɔ nu ngyẽa eleburanna yele ye nwo ali lili adanzeɛ hyirele ye asuafoɛ nemɔ kyɛ ɔte ase. Benwuni ye, na ɔhane Nyameɛ ahennie ne nwo dwirɛ hyirele bɛ.