Yohane 20:19 - AHYERƐLƐ KRONGRON

¹⁹ Na sɔ kyẽa ne ala nɔsoa, bɔ ɔte dapɛn ne anu kyẽa bɔ oli moa ne, Yudafoɛ nemɔ nwo suronyi ti, asuafoɛ nemɔ totole anoa nemɔ anu wɔ nekaa bɔ bɛboale bɛ noa ne, na Yesu wale oogyinane b’afia berɛ, na osele bɛ kyɛ, “Asomdwee hã ɛmɔ oo!”

Yohane 20:19 Iomraidhean Croise

Edwein 122:8

Nniɛma mɔ ne me mmango mɔ ati, ngɔhã kyɛ, “Asomdwee ɔ́tena wɔ nu.”

Mateo 10:13

Sɛ awuro berɛ ama bede ɛmɔ nyemene so a, ɛ́mɔma ɛmɔ asomdwee ne ɔbra awuro ne aso; nakoso sɛ banne ɛmɔ nyemene so de a, ye de ɛ́mɔma ɛmɔ asomdwee ne osa bra ɛmɔ berɛ.

Mateo 18:20

Ofikyɛ nekaa biala bɔ mmenia nyɔ anaa nza koyia nu me dumaa nu nen, né nwɔ b’afia wɔ berɛ.”

Marko 16:14

Na ɛhemɔ asi ne, ɔyele ye nwo ali hyirele asuafoɛ buru ne ko ne wɔ mmerɛ bɔ né bedidi ɔ. Na ohwili bɛ nyunu wɔ elelɛ bɔ banne banni, ɔne b’asoserɛ nwo, ofikyɛ banne bɛ bɔ benwuni ye kyɛ watingye ne banni.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Yohane 16:22

Na ɛmɔ koso, kekesaala ye de, ɛmɔdi aworabɔlɛ, nakoso ngonwu ɛmɔ bieku, na ɛmɔ ahone kɔtɔ ɛmɔ kunu; na ɛmɔ anigye ne, ebiala ngole ngofi ɛmɔ sa nu.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Yohane 20:26

Na nziɛ ye, ye ɛlɛbɔtwɛ ne aso, né ye asuafoɛ nemɔ bɛwɔ awuro berɛ bieku, na né Tɔmase ɔboka bɛ so. Né batoto bɛ nwo anoa nu, nakoso Yesu wale oogyinane b’afia berɛ, na osele kyɛ, “Asomdwee hã ɛmɔ oo.”

Yohane 21:1

Ɛhe asi ye, Yesu yele ye nwo ali bieku hyirele asuafoɛ nemɔ wɔ Tiberia mboanoa, na kyɛbɔ ɔyele ye nwo ali hyirele bɛ ne ɛhe:

Yohane 21:14

Ɛhe yeɛ ɔtɔ so pɛen nza bɔ Yesu tingyele fili awufoɛ nu ne, ɔyele ye nwo ali hyirele ye asuafoɛ nemɔ ɔ.

Yohane 7:13

Nakoso né besuro Yudafoɛ nemɔ, yiti ebiala anye ye nyunu wanga ye nwo dwirɛ.

Asomafoɛ 1:3

Na Yesu wue ne asi ne, ɔnate atee ne sue ahoroɔ nu ngyẽa eleburanna yele ye nwo ali lili adanzeɛ hyirele ye asuafoɛ nemɔ kyɛ ɔte ase. Benwuni ye, na ɔhane Nyameɛ ahennie ne nwo dwirɛ hyirele bɛ.

Romanfoɛ 15:33

Asomdwee Nyameɛ ne ɔne ɛmɔ amukoraa bɛtena. Amen.

1 Korintofoɛ 15:5

Ɔyele ye nwo ali hyirele Kefa, na nziɛ ye buru ne nyɔ ne koso benwuni ye.

Ɛfesofoɛ 2:14

Ofikyɛ ye yeɛ ɔte yɛ asomdwee ɔ, wahã nyɔ ne wabɔ nu wayɛ ye ko, na wadwiri ɛpɔen fasue bɔ ɔla yɛ afia ne wagua,

Ɛfesofoɛ 6:23

Asomdwee ne ɔdɔ ne gyidie bɔ ofi Baba Nyameɛ ne Awurade Yesu Kristo berɛ ɔyɛ ɛmɔ deɛ.

Filipifoɛ 1:2

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

2 Tɛsalonika 3:16

Yɛsrɛ kyɛ asomdwee Awurade ne bɔbɔ ɔma ɛmɔ asomdwee daa wɔ atee biala so. Awurade ne ɛmɔ amukoraa bɛtena.

Hebrifoɛ 7:2

na Abraham buli ye nningyein mukoraa nu buru tuli ko mane ye. Sɔ Mɛlkisɛdɛke he dumaa ne bo kyire “Tenenee hene,” yeɛ ɔnate kyɛ ɔte Salem hene ne ati, ye bo sa kyire “asomdwee hene.”

3 Yohane 1:14

na mmom ɔngɔhyɛ biala ngonwu wɔ dɔ, ná manwu wɔ nyunu ná yali ngɔmɔ.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,