Yohane 20:16 - AHYERƐLƐ KRONGRON

¹⁶ Na Yesu sele ye kyɛ, “Maria!” Na ɔkakyili ye nwo sele ye wɔ Hebri dwudwolɛ nu kyɛ, “Raboni!” (ye bo kyire Kyerɛkyerɛniɛ.)

Yohane 20:16 Iomraidhean Croise

Gyenesise 22:1

Ɛhemɔ asi ne, Nyameɛ sole Abraham neane. Ɔfrɛle ye kyɛ, “Abraham!” Na Abraham surole kyɛ, “Me ɛhe.”

Gyenesise 22:11

Nakoso AWURADE abɔfo ne frɛle ye fili nyameɛso kyɛ, “Abraham! Abraham!” Na osurole kyɛ, “Me ɛhe.”

Gyenesise 45:12

Ɔtoale so sele oliɛma nemɔ kyɛ, “Ɛmɔ nye tua, yeɛ nniɛma Benyamin koso nye tua kyɛ me bɔbɔ deinn yeɛ me ne ɛmɔ yɛdwudwo ye.

Ɛksadɔso 3:4

Na AWURADE nwuni kyɛ wamakye wafa dɔ ɔkwaanea nen, ɔfrɛle ye fili ngyɛkyerɛ ne anu kyɛ, “Mose! Mose! Na osurole kyɛ, “Me ɛhe.”

Ɛksadɔso 33:17

Na AWURADE sele Mose kyɛ, “Sɔ dwirɛ he bɔ aha ye, ngɔyɔ; ofikyɛ malo wɔ, na mese wɔ paa ne wɔ dumaa.”

Edwein Nu Dwein 3:4

Nzane bɛ nwo ne ala, yeɛ nwuni bɔ me kra kuro ye ne ɔ. Ndo mmrale ye, kyɛ mengɔma ɔngɔhɔ, kɔpem kyɛ mvale ye mmale me ni awuro, sona bɔ ɔnwonzɛle me ne, ye pumbu ne anu ɔ.

Edwein Nu Dwein 5:2

Nnale, nakoso m’ahone nu de, né nnnale. Ndele kyɛ me kurofoɛ ne ɔbɔ kɔkɔɔkɔ kyɛ, “Bukye me, nniɛma brasua, me kurofoɛ, m’abubure, me kurofoɛ bɔ odi mu ɔ, ofikyɛ ebosue aloaloa me ti so, ɛborɔ bɔ ogua kɔngɔen ne, waloa me ti nwiaa mbɛsɛmbɛsɛ ne.”

Yesaya 43:1

Na afei, O Yakob, AWURADE bɔ ɔbɔle wɔ, O Yisrael, ye bɔ ɔnwone wɔ ne, ɔnwa nyoo: “Nnɛsuro, ofikyɛ maapɔ wɔ male wɔ, mabɔ wɔ dumaa mafrɛ wɔ, ɛte me deɛ.

Mateo 14:27

Na berɛ ne ala, Yesu sele bɛ kyɛ, “Ɛ́mɔma ɛmɔ ahone tɔ ɛmɔ kunu, me ɔ; nnɛma ɛmɔsuro!”

Marko 10:51

Na Yesu bisale ye kyɛ, “Nzu yeɛ ɛpena kyɛ meyɔ mema wɔ ɔ?” Na anyesiniwaaniɛ ne buale ye kyɛ, “Kyerɛkyerɛniɛ, mepena kyɛ menwu nikye.”

Luka 10:41

Na Awurade buale ye kyɛ, “Maata, Maata, ɛdwenedwene, na ɛha wɔ nwo wɔ nningyein pee nwo;

Yohane 1:38

Yesu kakyili ye nwo, na onwuni kyɛ beli ye si nen, obisale bɛ kyɛ, “Ɛmɔpena nzu?” Na bebuale ye kyɛ, “Rabi” (ye bo kyire Kyerɛkyerɛniɛ), “nisua yeɛ ɛte ɔ?”

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 10:3

Ye yeɛ anoa wɛmvoɛ ne obukye ye ɔ; mmoaen nemɔ bɛte ye komvi, na ɔfa ye bɔbɔ ye mmoaen bɛ dumaa yeɛ ɔfa frɛ bɛ maa befite ɔ.

Yohane 11:28

Na ɔhane ɛhe nen, osa hɔle ɔɔfrɛle oliɛma Maria hã hyirele ye kudɛɛ kyɛ, “Kyerɛkyerɛniɛ ne, wawa, na ɔfrɛ wɔ.”

Yohane 13:13

Ɛmɔfrɛ me Kyerɛkyerɛniɛ ne Awurade, na bɔ ɛmɔkã ne ɔte nahorɛ, ofikyɛ nde sɔ.

Yohane 20:28

Na Tɔmase buale ye kyɛ, “M’Awurade ne me Nyameɛ!”

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 5:2

Né ɛkwaa bie wɔ Yerusalem Mmoaen Pambim ne nwo, bɔ Hebri dwudwolɛ nu bɛfrɛ ye Betesaeda ɔ; na né apata nnu bɔ atee lela bɛ bo ɔ bɛwɔ ɛkwaa ne anwo berɛ.

Yohane 6:25

Na beenwuni ye wɔ ɛpo ne asi dɔ nen, bebisale ye kyɛ, “Rabi, mmerɛ beni yeɛ ɛwale wa ɔ?”

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 9:4

Ɔpɛ fini, na ɔtele edwudwolɛ bie kyɛ, “Sɔɔlo, Sɔɔlo! Nzu ati yeɛ ɛtane me nye ye?”

1 Samuel 3:10

AWURADE wale oogyinane berɛ. Na kyɛbɔ olili moa yɔle ne ala, ɔfrɛle kyɛ, “Samuel! Samuel!” Yeɛ Samuel surole kyɛ, “Dwudwo, na wɔ somvoɛ ótie.”

1 Samuel 3:6

Na AWURADE sa frɛle Samuel kyɛ, “Samuel!” Na Samuel dwɔsole hɔle Eli berɛ oosele ye kyɛ, “Ɛfrɛle me, me ɛhe.” Nakoso Eli buale kyɛ, “Mma, mmvrɛle wɔ, sa kɔla.”