Yohane 20:1 - AHYERƐLƐ KRONGRON

¹ Na dapɛn ne anu kyẽa bɔ oli moa ne, ngyerɛmɔ tutuutu bɔ né awosii tɛwɔ nu ne, Maria Magdalene wale asieleɛ ne aso, na onwuni kyɛ baye nyɔboɛ ne bafi asieleɛ ne noa.

Yohane 20:1 Iomraidhean Croise

Mateo 27:56

né Maria Magdalene, Maria bɔ ye mma ole Yakobo ne Yosef, yeɛ Sebedeo mma nemɔ bɛ maame boka bɛ so.

Mateo 27:60

na ɔfale ye tole ye bɔbɔ (Yosef) asieleɛ kumaa foforɛ bɔ wapɛ ye nyɔbotaen nu wato berɛ ɔ nu. Omununi nyɔboɛ pirikua bie katale asieleɛ ne noa, na ofili berɛ hɔle.

Mateo 27:64

Yiti maa bɛwɛne asieleɛ ne yé maa odwu ɛlɛsa ne aso, na anyɔ a, ye asuafoɛ nemɔ koowua ye [kɔngɔen] kɔhɔ, ná bahã bahyire maen ne kyɛ, ‘Watingye wafi awufoɛ nu;’ na ahaa sɔ nnakannaka bɔ oli nziɛ ne kɔtra daa deɛ ne.”

Mateo 27:66

Yiti bɛhɔle bɛɛfale nikyee bɛtale nyɔboɛ ne noa, na bɛmane wɛmvoɛ mɔ wɛnene asieleɛ ne.

Mateo 28:1

Afofikyẽa ne pɛle nu, na dapɛn ne anu kyẽa bɔ oli moa ne, ye alebahyene, Maria Magdalene ne Maria ko ne bɛhɔle kyɛ bɛkwaanea asieleɛ ne.

Mateo 28:2

Na yieee, aseɛ wosole serɛserɛ; ofikyɛ Awurade abɔfo fili nyameɛso dwuli ase oomununi nyɔboɛ ne fili asieleɛ ne noa, na ɔtenane so.

Marko 15:46

Na Yosef tɔle nwera, ɔyele efuin ne wale ase, ɔfale nwera ne kyekyele ye nwo, na ɔɔfale ye tole asieleɛ bɔ bapɛ ye wɔ nyɔbotaen bie anu ɔ nu; na omununi nyɔboɛ katale asieleɛ ne noa.

Marko 16:9

[Na kyẽa bɔ oli moa ne ngyerɛmɔ tutututu bɔ odwɔsole nen, olili moa yele ye nwo ali hyirele Maria Magdalene, bɔ otuli sunzummɔne nzoo fili ye nu ne.

Yohane 11:38

Yeɛ Yesu guale anwongokoɔ wɔ ye nu bieku, na ɔwale asieleɛ ne aso. Né ɔte nyɔboɛ sua, bɔ bafa nyɔboɛ bawaka ye noa ɔ.

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

Yohane 19:25

Yiti bɔ asraafoɛ nemɔ yɔle hɔ ɛne. Na mmenia hemɔ yeɛ né begyi bepingye Yesu mmeamudua ne nwo ɔ: ye maame, ye maame aliɛma brasua, Klopa aye Maria, yeɛ Maria Magdalene.

Yohane 20:26

Na nziɛ ye, ye ɛlɛbɔtwɛ ne aso, né ye asuafoɛ nemɔ bɛwɔ awuro berɛ bieku, na né Tɔmase ɔboka bɛ so. Né batoto bɛ nwo anoa nu, nakoso Yesu wale oogyinane b’afia berɛ, na osele kyɛ, “Asomdwee hã ɛmɔ oo.”

Asomafoɛ 20:7

Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ.

1 Korintofoɛ 16:2

Dapɛn biala nu kyẽa bɔ oli moa ne, ɛmɔ nu biala ɔ́fa bɔ Nyameɛ afa alo ye ne bie osie, amaa sɛ meba a, ye nwo anhia kyɛ ɛmɔkɔkekã bɛ sa ase ɔ.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,