Yohane 2:19 - AHYERƐLƐ KRONGRON

¹⁹ Na Yesu buale bɛ kyɛ, “Ɛ́mɔdwiri asɔneyɛɛ sua he bégua, na ngɔfa ɛlɛsa ngɔpagya ye ngosie berɛ bieku.”

Yohane 2:19 Iomraidhean Croise

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Mateo 16:21

Ofi sɔ mmerɛ ne, Yesu hyɛle ye bo hyirele ye asuafoɛ nemɔ kyɛ, odi kyɛ ɔkɔ Yerusalem ná okonwu amaneɛ pee wɔ maen mbanyi ne asɔfo mbanyi ne ahyerɛlɛfoɛ mɔ bɛ sa nu, ná beku ye, ná ye ɛlɛsa so otingye.

Mateo 27:40

kyɛ, “Wɔ bɔ edwiri asɔneyɛɛ sua ne gua, ná ɛfa ɛlɛsa si ne, de wɔ nwo e! Sɛ Nyameɛ Awa ne ole wɔ a, fi mmeamudua ne aso dwu ase!”

Mateo 27:63

na bɛhane kyɛ, “Yɛ mene, yɛkaye kyɛ sɔ nnakannakaniɛ ne ɔte ase ne, ɔhane kyɛ, ‘Ɛlɛsa asi ne, ngotingye’

Marko 14:58

“Yɛtele kyɛ ɔka kyɛ, ‘Ngobubu asɔneyɛɛ sua he bɔ bafa asaa yeɛ basi ne, na ngɔfa ɛlɛsa ngosi foforɛ bɔ nna asaa yeɛ bɛfa besili ɔ.’ ”

Marko 15:29

Na bɛ bɔ bɛɛpɛle nu berɛ ne, bɛwosole bɛ ti bɛkekane dwirɛ betiale ye kyɛ, “Eh, wɔ bɔ ebubu asɔneyɛɛ sua ne gua, ná ɛfa ɛlɛsa si ne!

Marko 8:31

Na ɔhyɛle ye bo hyirehyirele bɛ kyɛ, odi kyɛ Sona Awa ne nwu amaneɛ pee, ná maen mbanyi, asɔfo mbanyi ne ahyerɛlɛfoɛ bɛpo ye, ná beku ye, ná ye ɛlɛsa so otingye.

Yohane 11:25

Na Yesu sele ye kyɛ, “Me ole ewutingyelɛ ne ɔne ngoa ne; ebiala bɔ ode me di ne, sɛ owu po a, okonya ngoa.

Yohane 5:19

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ.

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 3:26

Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”

Asomafoɛ 6:14

ofikyɛ yɛtele kyɛ ɔkã kyɛ sɔ Yesu ne bɔ ofi Nasarɛte ne, okodwiri ɛwa kogua, ná wasa wasesã amanneɛ bɔ Mose hyehyɛle mane yɛ ne!”

Romanfoɛ 4:24

Bɛhyerɛ bɛmane yɛ koso. Yɛ bɔ yɛde bɔ otingyele y’Awurade Yesu fili awufoɛ nu yɛdi ne, sɔ ala yeɛ bekobu yɛ gyidie bɛkɔma yɛ ɔ;

Romanfoɛ 6:4

Yiti basie yɛ ne ye wɔ asubɔlɛ nu bahɔ ye wue nu. Ofikyɛ kyɛbɔ Baba n’animnyam tumi ne tingyele Kristo fili awufoɛ nu ne, sɔ ala yeɛ ɔsɛ kyɛ yɛnate ngoa foforɛ nu ɔ.

Romanfoɛ 8:11

Na sɛ ye bɔ otingyele Yesu fili awufoɛ nu ne ye Sunzum te ɛmɔ nu a, ye bɔ otingyele Kristo Yesu fili awufoɛ nu ne, ɔkɔma ɛmɔ nipadua bɔ owu ne ngoa, na ɔkɔfa ye Sunzum bɔ ɔte ɛmɔ nu ne aso yeɛ ɔkɔyɔ sɔ ɔ.

1 Korintofoɛ 15:12

Na sɛ yɛkã Kristo nwo nzɛmba kyɛ wadwɔso wafi ewue nu a, ɔwale ye sɛ bɔ ɛmɔ nu biemɔ kã kyɛ awufoɛ ewutingyelɛ nne berɛ ɔ?

Kolosefoɛ 2:12

Besiele ɛmɔ ne Kristo wɔ asubɔlɛ nu, na ɔnate ɛmɔ gyidie wɔ Nyameɛ tumi dwumadie bɔ ɔfa tingyele ye fili ewue nu ne ati, batingye ɛmɔ ne ye koso.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,