Yohane 2:18 - AHYERƐLƐ KRONGRON

¹⁸ Yeɛ Yudafoɛ nemɔ bisale ye kyɛ, “Nzɛngyerɛnneɛ beni yeɛ ɛkɔyɔ kɔfa kohyire yɛ kyɛ ele ye nwo ate kyɛ ɛyɔ ɛhe ɔ?”

Yohane 2:18 Iomraidhean Croise

1 Ahemvo 13:3

Sɔ kyẽa ne ala, ngɔmhyɛlɛniɛ ne hyirele sɛngyerɛnneɛ bie bɔ okosi ɔ. Ɔnwa, “Ɛhe ole sɛngyerɛnneɛ bɔ okyire kyɛ AWURADE yeɛ wadwudwo ɔ: Afɔleɛ bokyea ne, okobubu. Na afei, so nzoen ne koso, okohwie kogua ase.”

Ɛksadɔso 7:9

“Sɛ Faro ka kyire ɛmɔ kyɛ, ‘Ɛ́mɔyɔ sɛngyerɛnneɛ bie behyire a, ye de ka kyire Aarɔn kyɛ, ‘Gyi wɔ pɔmaa ne to Faro nyunu berɛ ma ɔkakyi ewoo.’ ”

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Marko 8:11

Farasiifoɛ wale, na bɛhyɛle ye bo bɛfale edwirɛ bɛtetale Yesu. Ne bɛpena kyɛ beso ye bɛnea, yiti besele ye kyɛ ɔyɔ sɛngyerɛnneɛ bɔ ofi nyameɛso ɔ ma bɛnea.

Luka 11:29

Na mmenia yɛle berɛ birikabirika nen, ɔhyɛle ye bo hane kyɛ, “Ɛnɛmmafoɛ te bɔnefoɛ. Bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ deɛ ne ala.

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Yohane 1:25

bebisale ye kyɛ, “Na sɛ nna wɔ ole Kristo ne, anaa Elia, anaa ngɔmhyɛlɛniɛ ne a, né nzu ati yeɛ ɛ́bɔ asu ɔ?”

Yohane 6:30

Yeɛ besele ye kyɛ, “Nzaade, nzɛngyerɛnneɛ beni yeɛ ɛkɔyɔ, bɔ yɛkonwu ye, bɔ ɔkɔmaa yɛkole wɔ yɛkoli ɔ? Nzikyɛ yeɛ ɛkɔyɔ ɔ?

Asomafoɛ 4:7

Bɛfale bɛ beegyinane bɛ nyunu berɛ, na bebisale bɛ kyɛ, “Tumi beni yeɛ ɛmɔgyi so, anaa dumaa beni yeɛ ɛmɔfale so bɛyɔle sɔ nikyee ne ɔ?”

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”