Yohane 2:16 - AHYERƐLƐ KRONGRON

¹⁶ Na osele bɛ bɔ bɛtɔne mmorɔnoma ne kyɛ, “Ɛ́mɔfa ɛhemɔ befi wa! Nnɛma ɛmɔfa me Baba awuro bɛkakyi dwaalilɛ awuro!”

Yohane 2:16 Iomraidhean Croise

Yeremia 7:11

Awuro ye bɔ me dumaa la so ye, aso wakakyi awuefoɛ afealeɛ wɔ ɛmɔ nye so anaa? Tie, me bɔbɔ manwu bɔ ɔkɔ so ɔ, AWURADE noa dwirɛ ɛne.

Mateo 21:12

Yesu wurale [Nyameɛ] asɔneyɛɛ sua ne anu, na ɔfoane bɛ bɔ bɛtɔne nningyein ne bɛ bɔ bɛtɔ amukoraa fili asɔneyɛɛ sua nu berɛ. Na obutubutuli sikaasesãlɛfoɛ bɛ poen nemɔ, yeɛ bɛ bɔ bɛtɔne mmorɔnoma ɔ bɛ bia mɔ.

Mateo 21:13

Na osele bɛ kyɛ, “Bahyerɛ kyɛ, ‘Bɛkɔfrɛ m’awuro mbaeɛbɔlɛ awuro’; nakoso ɛmɔ de, ɛmɔafa bakakyi awuefoɛ afealeɛ!”

Mateo 22:5

Na bɛ wora, bamva banyɛ dwirɛ, na besili nu bɛhɔle b’atee; ko hɔle ye fieso, ko oolili ye dwaa,

Marko 11:17

Afei ɔyɛle ngyerɛkyerɛ sele bɛ kyɛ, “Aso bɛhhyerɛle kyɛ, ‘Bɛkɔfrɛ m’awuro maen maen amukoraa bɛ mbaeɛbɔlɛ awuro’? Nakoso ɛmɔ de, ɛmɔafa bakakyi awuefoɛ afealeɛ.”

Luka 2:49

Na obuale bɛ kyɛ, “Nzu ati yeɛ ɛmɔpena me ɔ? Aso ɛmɔnze kyɛ ɔsɛ kyɛ metena me Baba awuro anaa?”

Yohane 10:29

Me Baba bɔ ɔfale bɛ mane me ne, ɔte piri tra ebiala; na ebiala ngɔhora ngofoti bɛ ngofi me Baba sa nu.

Yohane 2:15

Na ɔfale nyamaa yɛle mbire foane bɛ mukoraa, bɛ ne mmoaen ne nandwie nemɔ fili asɔneyɛɛ sua nu berɛ; na ohwiele sikaasesãlɛfoɛ nemɔ bɛ sikaa ne guale, na ɔfale bɛ poen nemɔ butubutuli berɛ.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Yohane 5:17

Na Yesu buale bɛ kyɛ, “Me Baba gu so ɔyɔ adwuma maa waadwu bekye, na me koso méyɔ adwuma.”

Yohane 8:49

Na Yesu buale kyɛ, “Me de, nnne sunzummɔne; na mmom medi me Baba ni, na ɛmɔ de, ɛmɔnni me ni.

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.