Yohane 2:11 - AHYERƐLƐ KRONGRON

¹¹ Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.

Yohane 2:11 Iomraidhean Croise

1 Ahemvo 17:24

Yiti braa ne sele Elia kyɛ, “Afei de manwu kyɛ ɛte Nyameɛ sona, na amba AWURADE dwirɛ yeɛ otua wɔ noa ɔ.”

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 96:3

Ɛ́mɔbɔ ye animnyam nwo dawure wɔ maen maen mɔ so; ɛ́mɔbɔ ye anwanwadeɛ nwo dawure wɔ maen maen amukoraa so.

Ɛksadɔso 14:31

Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Ɛksadɔso 4:9

Na sɛ banne sɔ nzɛngyerɛnneɛ nyɔ ne po banni, anaa bandie wɔ dwirɛ a, ye de sa asue Naele nzue ne bie, ná hwie gua aseɛ wosee so. Na Naele nu nzue bɔ ɛkɔsa ne kɔkakyi mogya wɔ aseɛ wosee ne aso.”

Nworɛ Dwirɛhanɛniɛ 9:7

Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

Yesaya 40:5

Na AWURADE animnyam ne kɔla ali, na anwoɔnaen amukoraa kɔbɔ nu konwu ye, ofikyɛ AWURADE noa dwirɛ ɛne.”

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 1:43

Aleɛ hyene ne, Yesu yɛle ye adwene kyɛ ɔkɔ Galilea. Onwuni Filipo, na osele ye kyɛ, “Di me si!”

Yohane 1:50

Yesu buale kyɛ, “Ɔnate kyɛ nga ngyirele wɔ kyɛ nwuni wɔ wɔ borɔdoma bakaa ne abo ne ati yeɛ ede di ye anaa? Ekonwu anwanwadeɛ mbiri bɔ ɔtra ɛhemɔ ɔ.”

Yohane 10:41

Na mmenia pee bɛwale ye berɛ, na bɛhane kyɛ, “Yohane anyɔ nzɛngyerɛnneɛ biala de, nakoso edwirɛ biala bɔ Yohane hã fale biaa he nwo ne, ɔte nahorɛ.”

Yohane 11:15

na ɛmɔ ti ɔyɛ me fɛ kyɛ né nne dɔ ɔ, amaa ɔnate so ɛmɔale bali. Nakoso ɛmɔma yɛhɔ ye dɔ!”

Yohane 11:47

Yiti asɔfo mbanyi ne Farasiifoɛ nemɔ bɛmane badwafoɛ nemɔ beyiale, na bɛhane kyɛ, “Nzikyɛ yeɛ odi kyɛ yɛyɔ ɔ? Ofikyɛ sɔ biaa ne ɔyɔ nzɛngyerɛnneɛ pee.

Yohane 12:18

Na ɛhe ati koso yeɛ mmenia worawora ne beeyiale ye ɔ; ofikyɛ né bate kyɛ wayɔ sɔ nzɛngyerɛnneɛ ne.

Yohane 12:37

Ɔwɔ nu kyɛ né wayɔ nzɛngyerɛnneɛ pee wɔ bɛ nyunu de, nakoso banne ye banni.

Yohane 12:41

Yesaya hane sɔ, ofikyɛ onwuni ye animnyam, na ɔhane ye nwo dwirɛ.

Yohane 14:13

Na nikyee biala bɔ ɛmɔkɔsrɛ ye me dumaa nu ne, ngɔyɔ, amaa ɔnate so Baba ne anya animnyam wɔ Baa ne nu.

Yohane 16:27

ɔnate kyɛ Baba ne bɔbɔ okuro ɛmɔ dwirɛ, ofikyɛ ɛmɔkuro me dwirɛ, na ɛmɔale bali kyɛ Baba ne berɛ yeɛ mvi mmale ɔ.

Yohane 16:30

Afei de, yanwu kyɛ ɛse nningyein amukoraa, na enhia kyɛ ebie kobisa wɔ dwirɛ ɔ. Na ɛhe maa yɛde yɛdi kyɛ efi Nyameɛ berɛ yeɛ ɛwale ɔ.”

Yohane 2:1

Na ye ɛlɛsa ne aso, atɔmvorɛ bie hɔle sɔ wɔ Kana bɔ ɔwɔ Galilea; na né Yesu maame wɔ ye bo bie.

Yohane 2:23

Mmerɛ bɔ Yesu wɔ Yerusalem bɔ né bedi Abɔtra aluolue nen, mmeni pee lele ye dumaa lili, ɔnate nzɛngyerɛnneɛ bɔ benwuni kyɛ ɔyɔ ne ati.

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 4:3

Yiti ofili Yudea, na osa sili nu hɔle Galilea.

Yohane 4:46

Afei Yesu sa hɔle Kana bɔ ɔwɔ Galilea, nekaa bɔ ɔkakyili nzue nzaa nen. Né biaa titireniɛ bie wɔ Kapanɔm bɔ ɔwa nde apɔ ɔ.

Yohane 4:54

Ɛhe ole nzɛngyerɛnneɛ bɔ ɔtɔ so nyɔ bɔ Yesu yɔle ɔ, mmerɛ bɔ ofili Yudea wale Galilea nen.

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Yohane 6:14

Na mmenia ne nwuni sɛngyerɛnneɛ bɔ ɔyɔle nen, bɛhane kyɛ, “Amba, ngɔmhyɛlɛniɛ bɔ ɔ́ba wiase ne, ye ɛhe!”

Yohane 6:2

Na mmenia pembepembe lili ye si; ɔnate kyɛ né banwu nzɛngyerɛnneɛ bɔ ɔyɔ fa sale mmenia anwonyerɛ ne.

Yohane 6:26

Na Yesu buale bɛ kyɛ, “Nahorɛ nu paa, mekã mekyire ɛmɔ kyɛ, nna kyɛ nzɛngyerɛnneɛ bɔ ɛmɔnwuni ye ne ati yeɛ ɛmɔpena me ɔ, na mmom paanoo bɔ ɛmɔlili mane ɛmɔ ko yili ne ati ɔ.

Yohane 6:30

Yeɛ besele ye kyɛ, “Nzaade, nzɛngyerɛnneɛ beni yeɛ ɛkɔyɔ, bɔ yɛkonwu ye, bɔ ɔkɔmaa yɛkole wɔ yɛkoli ɔ? Nzikyɛ yeɛ ɛkɔyɔ ɔ?

Yohane 7:31

Nakoso mmenia nemɔ anu pee belele ye belili, na bɛhane kyɛ, “Kristo ne, sɛ ɔba a, aso ɔkɔyɔ nzɛngyerɛnneɛ pee kɔtra bɔ biaa he wayɔ ye?”

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:17

Ofikyɛ kekesaala ye amaneɛ kãa bɔ yɛnwu ye ne, osiesie yɛ ma animnyam kandinga bɔ ɔwɔ berɛ afebɔɔ, bɔ ɔtra so ɔ.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Deuteronomi 5:24

Na ɛmɔsele kyɛ, ‘AWURADE yɛ Nyameɛ waye ye animnyam ne ye tumi piri wahyire yɛ, na yate ye komvi yafi see ne anu. Ɛnɛ de, yanwu ye kyɛ, sɛ Nyameɛ ne sona dwudwo a, saa sɔ sona ne kora nya ngoa.

1 Yohane 5:13

Mekyerɛ ɛhemɔ mebrɛ ɛmɔ bɔ ɛmɔde Nyameɛ Awa ne dumaa bedi ne, amaa ɛmɔanwu kyɛ ɛmɔle daa ngoa, na ɛmɔahɔ so bale Nyameɛ Awa ne dumaa bali.