Yohane 19:7 - AHYERƐLƐ KRONGRON

⁷ Yeɛ Yudafoɛ nemɔ buale ye kyɛ, “Yɛ de, yɛle mmeraa, na yɛ mmeraa ne kyire kyɛ ɔsɛ kyɛ owu ɔ, ofikyɛ ɔyɛle ye nwo Nyameɛ Awa ne.”

Yohane 19:7 Iomraidhean Croise

Yesaya 53:4

Nakoso, nahorɛ nu, wafa yɛ yealɛ mɔ wato ye nwo so, na wasoa yɛ amaneɛnwunɛ; nakoso yɛbuli ye kyɛ ebie bɔ Nyameɛ ahwe ye so ɔ, kyɛ ebie bɔ wapura ye waprapra amaneɛ wagua ye so ɔ.

Lewitikɔso 24:16

Ebiala bɔ ɔkɔha musue dwirɛ kotia AWURADE dumaa ne, odi kyɛ beku ye ɔ; sona bɔ ɔkɔha musue dwirɛ ne, odi kyɛ maen ne amukoraa bɛboro ye nyɔboɛ beku ye. Ɛwɔfoɛ oo, kuromani oo, sɛ bɛ nu biala ka musue dwirɛ tia Nyameɛ Dumaa a, odi kyɛ beku ye ɔ.

Marko 15:39

Na asraafoɛ ɛyaa so panyi bɔ né ogyi ye nyunu berɛ ndendeneɛ so ne, onwuni kyɛbɔ osi teane nu, ná ɔhale nu nen, ɔhane kyɛ, “Amba, biaa he ole Nyameɛ Awa ne!”

Yohane 19:8

Na Pilato tele edwirɛ he nen, ɛserɛ hane ye trale daa ne.

Yohane 5:18

Na ɔnate sɔ ati, Yudafoɛ mɔ mane bɛ nye borole kyɛ bekohu ye ɔ, kyɛ, nna afofikyẽa ngome yeɛ wabu so ɔ; na mmom ɔnwa Nyameɛ te ye bɔbɔ ye Baba, bɔ ɔfa kyire kyɛ ɔne Nyameɛ bɛte pɛ ɔ.

Asomafoɛ 18:13

Na besele Galio kyɛ, “Sɔ biaa he afa atee bɔ otia Yudafoɛ mmeraa so ɔma mmenia sɔne Nyameɛ.”

Romanfoɛ 1:4

bɔ bafa tumi baye ye bahyire kyɛ Nyameɛ Awa, kyɛbɔ anwotelɛ Sunzum te ne, awufoɛ tingyelɛ nu, Yesu Kristo, yɛ Awurade,

Deuteronomi 18:20

Nakoso ngɔmhyɛlɛniɛ biala bɔ okodwudwo nyameɛ foforɛ biemɔ dumaa nu, anaa bɔ okoli ye bɔbɔ ye ti piri kɔfa me dumaa kɔha edwirɛ bɔ nnhyɛle ye kyɛ ɔhã nen, ɔsɛ kyɛ beku ye.