Yohane 19:6 - AHYERƐLƐ KRONGRON

⁶ Na asɔfo mbanyi nemɔ ne awɛmvoɛ nemɔ benwuni ye ne, bɛteateane nu kyɛ, “Bɔ ye mmeamudua nu! Bɔ ye mmeamudua nu!” Na Pilato sele bɛ kyɛ, “Ɛmɔ bɔbɔ bɛfa ye bɛɛbɔ ye mmeamudua nu! Ofikyɛ me de, mennwu kyɛ odi fɔ biala ɔ.”

Yohane 19:6 Iomraidhean Croise

Mateo 26:58

Nakoso Petro de, olili ye si wɔ nziɛ nziɛ oodwuli ɔsɔfo panyi paa n’aluo berɛ, owurale nu, na ɔne somvoɛ nemɔ bɛtenane ase kyɛ ɔnea edwirɛ n’ayieleɛ.

Mateo 27:22

Na Pilato bisale bɛ kyɛ, “Nzaade nzikyɛ yeɛ mva nyɛ Yesu bɔ bɛfrɛ ye Kristo ne ɔ?” Na bɛ mukoraa bɛhane kyɛ, “Maa bɛbɔ ye mmeamudua nu!”

Mateo 27:24

Na Pilato nwuni kyɛ ɔngɔhora ngɔyɔ ye nwo hwee, ná mmom basabasayɔlɛ yeɛ ɔpena ba ne, ɔfale nzue nwunzini ye sa wɔ ɛlɔen ne anyunu berɛ, na ɔhane kyɛ, “Sona teneneeniɛ he, medi be wɔ ye mogya nwo. Ɛmɔ bɔbɔ ɛ́mɔyɔ bɔ ɛmɔkɔyɔ ɔ!”

Luka 23:4

Na Pilato sele asɔfo mbanyi nemɔ ne ɛlɔen ne kyɛ, “Biaa he, me de, mennwu foɛ biala bɔ odi ɔ.”

Yohane 18:3

Yiti Yudase fale asraafoɛ kure ne awɛmvoɛ bɔ befi asɔfo mbanyi ne Farasiifoɛ nemɔ berɛ ɔ wale berɛ; ná ne betiratira ɛtɛen, nganea ne akodeɛ.

Yohane 18:31

Yeɛ Pilato sele bɛ kyɛ, “Ɛmɔ bɔbɔ ɛ́mɔfa ye bɛhɔ, ná ɛmɔgyina ɛmɔ mmeraa so bebua ye ndɛen.” Yeɛ Yudafoɛ nemɔ sele ye kyɛ, “Yɛ de, mmeraa mma yɛ ate kyɛ yɛku sona biala ɔ.”

Yohane 18:38

Na Pilato bisale ye kyɛ, “Nahorɛ, ye ole nzu?” Na ɔhane sɔ dwirɛ nen, afei ofite hɔle Yudafoɛ nemɔ berɛ bieku, na osele bɛ kyɛ, “Me de, mennwu foɛ biala bɔ odi ɔ.

Yohane 19:15

Na bɛteateane nu kyɛ, “Fa ye kɔ! Fa ye kɔ! Bɔ ye mmeamudua nu!” Na Pilato bisale bɛ kyɛ, “Mmɔ ɛmɔ Hene ne mmeamudua nu anaa?” Na asɔfo mbanyi nemɔ buale kyɛ, “Yɛ de, yɛlle hene biala kyɛ Kaesare.”

Yohane 19:4

Yeɛ Pilato fite wale bieku, na osele bɛ kyɛ, “Ɛ́mɔtie, méfa ye mebrɛ ɛmɔ, ma ɛmɔnwu ye kyɛ mennwu kyɛ odi fɔ biala ɔ.”

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,