Yohane 19:5 - AHYERƐLƐ KRONGRON

⁵ Yiti Yesu fite wale; né ɔbɔ mmowue abotire ne, na owura ataadeɛ kɔkorɛ ne. Yeɛ Pilato sele bɛ kyɛ, “Ɛ́mɔnea, biaa ne ɛhe!”

Yohane 19:5 Iomraidhean Croise

Yesaya 40:9

O Sion bɔ ɛso ndɛenvɛen ɔ, fo kɔ bokaa tendenn ne aso; O Yerusalem bɔ ɛso ndɛenvɛen ɔ, tea nu kã ye serɛserɛ, tea nu kã, na nnɛsuro. Kã kyire Yuda nguro nemɔ kyɛ, “Ɛ́mɔtie, ɛmɔ Nyameɛ ne ɛhe!”

Yesaya 43:1

Na afei, O Yakob, AWURADE bɔ ɔbɔle wɔ, O Yisrael, ye bɔ ɔnwone wɔ ne, ɔnwa nyoo: “Nnɛsuro, ofikyɛ maapɔ wɔ male wɔ, mabɔ wɔ dumaa mafrɛ wɔ, ɛte me deɛ.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Awuye 1:12

“Ɛmɔ bɔ ɛmɔpɛ nu wa amukoraa, aso ɔmva ɛmɔ nwo? Ɛ́mɔnea ná ɛ́mɔnwu ye, sɛ aworabɔlɛ bie wɔ berɛ, bɔ ɔte kyɛ m’aworabɔlɛ bɔ wato me ye, bɔ AWURADE aprapra wagua me so, wɔ ye yaafɛlɛ piri kyẽa ne anu ye.

Mateo 27:29

bɛfale mmowue bɛnwone abotire bɛbɔle ye, na bɛfale elemmire bewurale ye sa famaa nu; yeɛ bebuli ndwerɛ wɔ ye nyunu bɛgorole ye nwo kyɛ, “Yudafoɛ Hene, wɔ ngoa so oo!”

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 19:2

Na asraafoɛ nemɔ nwone mmowue abotire, na bɛfa bepurole ye ti, na bɛfale ataadeɛ kɔkorɛ bie beguale ye so.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.