Yohane 19:42 - AHYERƐLƐ KRONGRON

⁴² Né ɔte Yudafoɛ anwoboaboa kyẽa, yiti bɛfale Yesu bɛɛtole nu, ofikyɛ né asieleɛ ne pingye berɛ.

Yohane 19:42 Iomraidhean Croise

Edwein 22:15

Me komvi ayɛ wosee kyɛ nyangaa bue, na me temverema amata me nnaalɔ; afa me ato ewue kumaa nu.

Yesaya 53:9

Bɛpɛle ye asieleɛ bɛfrale bɔnefoɛ mɔ deɛ, ɔne sikafoɛ mɔ deɛ wɔ ye wue nu, ɔwɔ nu kyɛ wanni nzɛmmɔne biala, yeɛ nnakannaka biala wamvi ye noa.

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Yohane 19:14

Né ɔte Abɔtra nwo anwoboaboa kyẽa; kɔyɛ eyiagyina. Na Pilato sele Yudafoɛ nemɔ kyɛ, “Ɛ́mɔnea, ɛmɔ Hene ne ɛhe!”

Yohane 19:20

Yudafoɛ pee bɛkengale sɔ ahyerɛlɛ he, ɔnate kyɛ nekaa bɔ bɛbɔle Yesu mmeamudua nu ne, opingye kuro ne; na bɛhyerɛle edwirɛ ne wɔ Hebri, Roman ne Hela dwudwolɛ nu.

Yohane 19:31

Né sɔ kyẽa ne te Anwoboaboa kyẽa, na kyɛbɔ ɔkɔyɛ bɔ efuin nemɔ bɛngɔha mmeamudua nemɔ so wɔ afofikyẽa ne, (ofikyɛ né sɔ afofikyẽa ne ɔte kyẽa piri,) yiti Yudafoɛ bɛɛsrɛle Pilato kyɛ ɔma bebubu bɛ gya nu, ná bɛye bɛ bɛbra ase.

Yohane 19:41

Na nekaa bɔ bɛbɔle ye mmeamudua nu ne, né turo bie wɔ berɛ. Né asieleɛ foforɛ bie bɔ bennya bɛffale sona bɛttole nu le ɔ ɔwɔ turo ne anu.

Asomafoɛ 13:29

Na beyiele nikyee biala yɔ kyɛbɔ Ahyerɛlɛ ne kã fa ye nwo nen, bɛyele ye befili mmeamudua ne aso besiele ye.

1 Korintofoɛ 15:4

Besiele ye, na ye ɛlɛsa so odwɔso fili ewue nu, kyɛbɔ Ahyerɛlɛ ne kã ne.

Kolosefoɛ 2:12

Besiele ɛmɔ ne Kristo wɔ asubɔlɛ nu, na ɔnate ɛmɔ gyidie wɔ Nyameɛ tumi dwumadie bɔ ɔfa tingyele ye fili ewue nu ne ati, batingye ɛmɔ ne ye koso.