Yohane 19:41 - AHYERƐLƐ KRONGRON

⁴¹ Na nekaa bɔ bɛbɔle ye mmeamudua nu ne, né turo bie wɔ berɛ. Né asieleɛ foforɛ bie bɔ bennya bɛffale sona bɛttole nu le ɔ ɔwɔ turo ne anu.

Yohane 19:41 Iomraidhean Croise

2 Ahemvo 23:30

Yosia ye somvoɛ mɔ soale ye fuin wɔ teaseɛnam nu befili Megido bɛhɔle Yerusalem, na beesiele ye wɔ ye bɔbɔ ye asieleɛ nu. Maen ne anu ama yele Yosia awa bienzua Yehoahase, bɛpopale ye ngoo, na bɛfale ye belili hene besili ye baba gya nu.

Yesaya 22:16

Wɔ, nzikyɛ yeɛ ele ye yɔ wɔ wa ɔ? Nwa yeɛ wama wɔ sɔ tumi ne ɔ, bɔ yiti apɛ asieleɛ ato berɛ ama wɔ nwo wɔ ɛwa ɔ? Wɔ bɔ apɛ w’asieleɛ ato bokaa so, ná asa apɛ wɔ daberɛ ato nyɔbotaen nu ɔ?

Mateo 27:60

na ɔfale ye tole ye bɔbɔ (Yosef) asieleɛ kumaa foforɛ bɔ wapɛ ye nyɔbotaen nu wato berɛ ɔ nu. Omununi nyɔboɛ pirikua bie katale asieleɛ ne noa, na ofili berɛ hɔle.

Luka 23:53

Yeɛ ɔyele fuin ne wale ase, ɔfale nwera kyekyele ye nwo, na ɔfale ye ɔɔtole asieleɛ bɔ bapɛ ye nyɔbotaen nu ɔ nu. Né bɛffale ebiala bɛttole nu le.

Yohane 19:42

Né ɔte Yudafoɛ anwoboaboa kyẽa, yiti bɛfale Yesu bɛɛtole nu, ofikyɛ né asieleɛ ne pingye berɛ.

Yohane 20:15

Yeɛ Yesu bisale ye kyɛ, “Mmobraa, nzu ati yeɛ esu ye? Ɛpena nwa?” Na ye de, osusuli kyɛ turo ne anu berɛ neafoɛ ne ɔ, yiti obuale ye kyɛ, “Me mene, sɛ afa ye afi wa a, kyire me nekaa bɔ afa ye aato ɔ, ná ngɔmva ye ngɔ.”