Yohane 19:39 - AHYERƐLƐ KRONGRON

³⁹ Na Nikodemo bɔ mmerɛ bie ɔwale Yesu berɛ kɔngɔen ne, ɔwale, na ɔfale krobo ne ayirefona mvrafra kɔyɛ kilo aburasa wale.

Yohane 19:39 Iomraidhean Croise

Gyenesise 50:2

Na Yosef hyɛle ye ngoaa safoɛ nemɔ kyɛ bewura ɔse fuin ne ayire amaa wamborɔ. Yiti bewurale Yisrael fuin ne ayire.

2 Aberɛso Dwirɛ 16:14

Asieleɛ kumaa bɔ wapɛ wato berɛ wɔ Dawide kuro kyɛ owu a besie ye wɔ nu ne, besiele ye wɔ nu. Mba bɔ bɛdedale ye wɔ so ne, ayirefona ahoroɔ bɔ bɛfa bɛpetene so ne, sona bɔ ole ye nwo nimdeɛ yeɛ ɔfrafrale nningyein fa yɔle ɔ. Na bɛsɔle buruburugya bɛfa bɛyɛle ye sɛen.

Edwein 45:8

Korobo, pɛprɛ ne kandanguru ma wɔ tena nu bo fona. Ahemvie bɔ bafa ɛsoen gye baboro ye nwo ne, nu yeɛ bɛbɔ dwein bɛgyegye wɔ nye ɔ.

Anyandera 7:17

Mafa korobo, pɛprɛ ne ayirefona mapete me mba so fonafona.

Edwein Nu Dwein 1:13

Me kurofoɛ ne, ɔte korobo mumua ma me; me kurofoɛ ne, ɔkɔla me nyɔfone afia kɔngɔen amukoraa.

Edwein Nu Dwein 4:14

mmakaa fonafona ne ɛsaa, hwendea ne ɛmanyire ne ɛyɛɛ mmakaa mukoraa, korobo ne pɛprɛ ne ayirefona paapaa mukoraa.

Edwein Nu Dwein 4:6

Ngɔhɔ korobo bokaa ne aso, ɔne ɛyɛɛ pambaa ne aso, kɔpem kyɛ aleɛ kodwo ná wawoɛ komini ɔ.

Mateo 12:20

Elemmire bɔ ɔte fɛngyɛfɛngyɛ ne, ongobu nu, yeɛ kanea nyamaa bɔ ogye monɛɛmonɛɛ ne, ongonua ye, maa okoodwu kyɛ okobua ndɛen turoloo ngonim nu ɔ;

Mateo 19:30

Nakoso mmenia pee bɔ bali moa ne, bɛkɔha nziɛ, yeɛ bɛ bɔ baha nziɛ ne bekoli moa.”

Mateo 2:11

Na bɛworole awuro ne anu nen, benwuni adɔma ne ne oni Maria, na bɛkotole bɛsɔnene ye. Afei bɛsangyele bɛ nningyein nu, na bɛhyɛle ye esikaa kɔkorɛ, ayirefona ne korobo.

Marko 16:1

Na afofikyẽa ne pɛle nu ne, Maria Magdalene, Yakobo maame Maria ne Salome bɛtɔle ayirefona kyɛ bɛkwaafa bɛpopa ye.

Yohane 12:3

Yeɛ Maria fale sakyeɛfona paa towaa ko, bɔ ye nyɔboɛ yɛ se paa ɔ, na ɔfa popale Yesu gya bo, na ɔfale ye ti nwiaa nununi ye gya bo; na sakyeɛ ne fona lele awuro berɛ amukoraa.

Yohane 12:7

Yeɛ Yesu hane kyɛ, “Nnɛha ye ye adwene, na wafa he wasie wama me sielɛ kyẽa ne.