Yohane 19:36 - AHYERƐLƐ KRONGRON

³⁶ Na ɛhemɔ sili mane Ahyerɛlɛ ne wale nu kyɛ, “Ye bowue ko po, bengobu nu.”

Yohane 19:36 Iomraidhean Croise

2 Ahemvo 15:12

Bɔhyɛ bɔ AWURADE hyɛle Yehu ole kyɛ, “Wɔ mma mmienzua mɔ koli Yisrael bia maa okoodwu aworɛ ndoatoasoɛ nna so.” Na ɔwale nu sɔ ala.

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Edwein 34:20

Ɔbɔ ye mmowue amukoraa nwo waen, bɔ bɛ nu ko po nu mmu ɔ.

Edwein 35:10

Me mmowue amukoraa kɔhã kyɛ, “Ao AWURADE, nwa yeɛ ɔte kyɛ wɔ ɔ? Wɔ bɔ ɛpepɛ de sona bɔ ɔyɛ anwumvo fi ebie bɔ ɔkora ye ɔ sa nu ɔ; wɔ bɔ ede sona bɔ ɔyɛ anwumvo ne ehianiɛ fi ebie bɔ osisi ye ɔ sa nu ɔ.”

Ɛksadɔso 12:46

Awuro ko anu ala yeɛ odi kyɛ ɛmɔtena bedi ɔ; nnɛma ɛmɔfa naen ne bie befite aluo, yeɛ nnɛma ɛmɔbɔ ye bowue nu.

Numeri 9:12

Nnɛmaa bɛyakyi bie ma aleɛ kye so, yeɛ nnɛmaa bɛbɔ naen ne bowue nu. Beli ye kyɛbɔ Abɔtra aluolue ne nwo nhyehyɛleɛ amukoraa te ɔ.

Mateo 1:22

Na ɛhe amukoraa sili maa bɔ Awurade nate ngɔmhyɛlɛniɛ ne aso hane ne wale nu. Ɔhane kyɛ,

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Yohane 19:24

Yeɛ besisele bɛ nwo kyɛ, “Nnɛmɔma yɛsunzua nu, na mmom ɛ́mɔma yɛgua so serewa yɛnwu bɔ ɔkɔyɛ ye deɛ ɔ.” Na ɛhe mane Ahyerɛlɛ ne wale nu kyɛ, “Bɛhyɛle me ndena bɛfale, yeɛ beguale serewa wɔ m’ataadeɛ so.”

Yohane 19:28

Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”