Yohane 19:29 - AHYERƐLƐ KRONGRON

²⁹ Né nzaa kekarekekare bie wɔ kulie nu tɛkyɛ ogyi berɛ. Na bɛfale eminaen bɛbɔle nzaa kekarekekare ne anu, bɛfa betuale bakaa bie noa, na bɛfa bɛhane ye noa.

Yohane 19:29 Iomraidhean Croise

1 Ahemvo 4:33

Mmakaa mɔ, ofi sida bakaa bɔ ɔwɔ Lebanon kodwu sufiɛ bɔ ofifi terɛ nwo ne, obuli anyandera fale bɛ nwo. Obuli bie koso fale ngaka, nnomaa, ngaka bɔ bɛtwe bɛ nwo ase, ɔne nzue nu naen mɔ anwo.

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Ɛksadɔso 12:22

Ɛ́mɔfa sufiɛ, ná ɛ́mɔfa bɛbɔ mogya bɔ ɔwɔ ayaa ne anu, ná ɛ́mɔfa mogya bɔ ɔwɔ nu ne bɛ́keka sua ne bati so ɔne aponnwaa nyɔ ne. Nnɛma ɛmɔ nu biala fi ye awuro fite maa okodwu ngyerɛmɔ.

Numeri 19:18

Odi kyɛ sona bɔ ye nwo te ɔ fa sufiɛ bɔ nzue ne anu, ná ɔ́fa pete ɛtena sua ne anwo, ɔne nu nningyein amukoraa so, ɔne mmenia bɔ né bɛwɔ berɛ ne aso, ɔne ebiala bɔ ye nwo hane bowue ne anaa sona bɔ bahu ye ne, anaa fuin ne, anaa asieleɛ ne.

Mateo 27:34

bɛmane ye nzaa kekarekekare bɔ bafa abɔwee bafra nu ɔ kyɛ ɔno; nakoso ɔhane ye noa nen, wanguro kyɛ ɔno.

Mateo 27:48

Na berɛ ne ala, bɛ nu ko tuli amirika ɔɔfale eminaen, ɔfa bɔle nzaa kekarekekare bie anu, na ɔfa tuale elemmire noa mane ye kyɛ ɔno.

Mateo 27:50

Na Yesu teane nu serɛserɛ bieku, na ɔyakyili ye sunzum nu.

Marko 15:36

Na ko tuli amirika ɔɔfale eminaen bɔle nzaa kekarekekare bie nu, ɔfa tuale elemmire noa, na ɔfa mane Yesu kyɛ ɔno, na ɔhane kyɛ, “Ɛ́mɔyakyi bɛma yɛnea sɛ Elia kɔwa kɔɔye ye kɔwa ase a.”

Luka 23:36

Asraafoɛ nemɔ koso gorole ye nwo, na bɛwale ye nwo berɛ bɛɛmane ye nzaa kekarekekare bie,