Yohane 19:28 - AHYERƐLƐ KRONGRON

²⁸ Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”

Yohane 19:28 Iomraidhean Croise

Edwein 22:15

Me komvi ayɛ wosee kyɛ nyangaa bue, na me temverema amata me nnaalɔ; afa me ato ewue kumaa nu.

Edwein 69:21

Bɛfale ɛborɔ beguale m’aleɛ nu, yeɛ nzuhɔen ku me ne, bɛmane me nzaa kekarekekare kyɛ nno.

Luka 12:50

Asubɔlɛ bie wɔ berɛ bɔ bɛbaafa bɛbɔ me ɔ, na sɛ bɛffa bɛbbɔle me beyyiele a, nnyane anwotɔ.

Luka 18:31

Yesu fale asuafoɛ buru ne nyɔ nemɔ hɔle ahameɛ, na osele bɛ kyɛ, “Ɛ́mɔtie, yɛ́fo yɛ́kɔ Yerusalem, na nikyee biala bɔ ngɔmhyɛlɛfoɛ nemɔ bahyerɛ bafa Sona Awa ne anwo ne, ɔkɔwa nu.

Luka 22:37

Na mekã mekyire ɛmɔ kyɛ, sɔ dwirɛ he bɔ Ahyerɛlɛ ne ɔkã ne, ɔsɛ kyɛ ɔba nu wɔ me nwo kyɛ, ‘Bɛhale ye bɛfrale mmeraatolɛfoɛ.’ Ofikyɛ bɔ ɔfa me nwo ne, ye mmerɛ bɔ ɔsɛ kyɛ ɔba nu ne wadwu.”

Luka 9:31

Bɛyele bɛ nwo ali animnyam nu, na bɛhane ye wue bɔ okowu wɔ Yerusalem ne nwo dwirɛ.

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 17:4

Mahyɛ wɔ animnyam wɔ aseɛ so; mayie adwuma bɔ ɛfa mane me kyɛ nyɔ ne.

Yohane 18:4

Na Yesu de, né ɔse bɔ ɔbaato ye amukoraa; na ɔhɔle ye nyunu moa, na obisale bɛ kyɛ, “Ɛmɔpena nwa?”

Yohane 19:24

Yeɛ besisele bɛ nwo kyɛ, “Nnɛmɔma yɛsunzua nu, na mmom ɛ́mɔma yɛgua so serewa yɛnwu bɔ ɔkɔyɛ ye deɛ ɔ.” Na ɛhe mane Ahyerɛlɛ ne wale nu kyɛ, “Bɛhyɛle me ndena bɛfale, yeɛ beguale serewa wɔ m’ataadeɛ so.”

Yohane 19:30

Na Yesu lele nzaa kekarekekare ne nen, ɔhane kyɛ, “Mayie.” Na osili ye ti ase, na ɔhale nu.

Yohane 19:36

Na ɛhemɔ sili mane Ahyerɛlɛ ne wale nu kyɛ, “Ye bowue ko po, bengobu nu.”

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Asomafoɛ 13:29

Na beyiele nikyee biala yɔ kyɛbɔ Ahyerɛlɛ ne kã fa ye nwo nen, bɛyele ye befili mmeamudua ne aso besiele ye.