Yohane 19:24 - AHYERƐLƐ KRONGRON

²⁴ Yeɛ besisele bɛ nwo kyɛ, “Nnɛmɔma yɛsunzua nu, na mmom ɛ́mɔma yɛgua so serewa yɛnwu bɔ ɔkɔyɛ ye deɛ ɔ.” Na ɛhe mane Ahyerɛlɛ ne wale nu kyɛ, “Bɛhyɛle me ndena bɛfale, yeɛ beguale serewa wɔ m’ataadeɛ so.”

Yohane 19:24 Iomraidhean Croise

2 Ahemvo 15:12

Bɔhyɛ bɔ AWURADE hyɛle Yehu ole kyɛ, “Wɔ mma mmienzua mɔ koli Yisrael bia maa okoodwu aworɛ ndoatoasoɛ nna so.” Na ɔwale nu sɔ ala.

Edwein 22:18

Bɛkyɛ me ndena bɛfa, na begua serewa bɛkyɛ me ndaadeɛ.

Ɛksadɔso 28:32

Pakye atee bɔ bɛkɔfa bɛ ti bekowura nu ɔ to ye afia. Nwo ɛtena fa samo ye kɔme anu maa ɔyɛ kyɛ ataadeɛ kɔme, ná wande wamva nu.

Yesaya 10:7

Nakoso Asiria hene de, nna sɔ yeɛ ɔwɔ ye ti anu ɔ, nna sɔ yeɛ ɔdwene ɔ, na mmom, wayɛ ye adwene kyɛ okohũhũ mmenia, ná wasa wasɛkye maen maen pee.

Mateo 27:35

Na bɛbɔle ye mmeamudua nu nen, beguale serewa bɛhyɛle ye ndaadeɛ ne, [amaa ɔnate so, bɔ ngɔmhyɛlɛniɛ ne hane ne wawa nu kyɛ: bɛhyɛle me ndena nu bɛfale, na beguale serewa bɛhyɛle me ndaadeɛ.]

Marko 15:24

Na bɛbɔle ye mmeamudua nu nen, bɛhyehyɛle ye ndaadeɛ ne anu, na beguale serewa bɛpenane ebiala deɛ bɔ okonya ɔ.

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Yohane 10:35

Na sɛ ɔfrɛle bɛ bɔ Nyameɛ dwirɛ ne wale bɛ berɛ ne nyameɛ mɔ, bɔ ebie ngora nzɛkye Ahyerɛlɛ ne a,

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Yohane 19:28

Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.