Yohane 19:18 - AHYERƐLƐ KRONGRON

¹⁸ Berɛ yeɛ bɛbɔle ye mmeamudua nu ɔ, bɔ mmenia nyɔ bɛboka ye so ɔ, wɔ ye bue nyɔ ne, bɔ Yesu wɔ b’afia ɔ.

Yohane 19:18 Iomraidhean Croise

Edwein 22:16

Ngyea apɛ me nwo bayia, nzɛmmɔnefoɛ fekue bapɛ me nwo kango; bafa nikyee basinasina me gya ne me sa.

Yesaya 53:12

Yiti ngɔfa ye kyɛfa ngɔma ye wɔ atitirefoɛ nu, na ɔne anwoserɛfoɛ bɛkɔhyɛ koɛ nu nzesadeɛ ne, ofikyɛ ɔfale ye kra tole berɛ mane ewue, bɛhale ye bɛfrale mmeraatolɛfoɛ; nakoso ɔfale menni pee bɛ bɔne tole ye nwo so, na olili mmeraatolɛfoɛ bɛ ti dwirɛ mane bɛ.

Mateo 27:44

Na awerɔm awuefoɛ bɔ bɛbɔle bɛ mmeamudua nu bokale ye so ne koso, bɛpepɛle ye nzoaa sɔ ala.

Yohane 18:32

Na ɛhe sili mane Yesu dwirɛ bɔ ɔhã fale ewue horɛ bɔ okowu ne nwo wale nu.

Yohane 19:32

Yiti asraafoɛ nemɔ wale beebubuli bɔ oli moa ne gya nu, ɔne ko bɔ ɔboka so bɔ bɛbɔle ye ne Yesu mmeamudua nu ne koso ye deɛ.

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.