Yohane 19:17 - AHYERƐLƐ KRONGRON

¹⁷ Yiti bɛfale Yesu bɛhɔle. Na ɔsoale ye mmeamudua ne fili berɛ oodwuli nekaa bie bɔ bɛfrɛ berɛ “Tire Kokuroka so,” bɔ Hebri nu bɛfrɛ ye Golgota.

Yohane 19:17 Iomraidhean Croise

Gyenesise 22:6

Abraham fale eyein bɔ ɔkwaafa bɔ naen yeralɛ afɔleɛ ne soale ɔwa Yisake, na ye koso ɔfale see ne dadeɛ ba ne tirale. Na bɛ munyɔ besili nu bɔ bɛ́kɔ nen,

1 Ahemvo 21:13

Asanzafoɛ nyɔ nemɔ wale bɛɛtenane Nabɔto nyunu ndendeneɛ so. Na asanzafoɛ nemɔ bɔle Nabɔto kwaadu wɔ dwaa ne anu kyɛ, “Nabɔto ahã musue dwirɛ watia Nyameɛ ne Nana Ahabo.” Yiti ɛlɔen ne fale Nabɔto bɛhɔle kuro ne tiwaa bɛɛborole ye nyɔboɛ behuni ye.

Lewitikɔso 24:14

“Fa biaa bɔ wabɔ musue ne kɔ asikyeleɛ ne asi dɔ; ná ma mmenia bɔ bɛtele edwirɛ ne bɛ so anu ne amukoraa, bɛ́fa bɛ sa bégua ye ti so, ná ma maen ne amu bɛ́boro ye nyɔboɛ béhu ye.

Mateo 10:38

Na ebiala bɔ ɔmva ye mmeamudua ná onni me si nen, ɔmvata me.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 27:37

Na kwaadu bɔ bɛbɔle ye ne, bɛhyerɛ bɛfa bɛbɔle ye ti anwuro kyɛ, “Yesu Yudafoɛ Hene Ne Ɛhe!”

Marko 10:21

Yeɛ Yesu neane ye haa, na ohurole ye dwirɛ, na osele ye kyɛ, “Waha wɔ nikyee ko: Kɔ ná kɔtɔne bɔ ele ye amukoraa, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Marko 15:26

Na kwaadu bɔ bɛfa bɛbɔle ye ne, bɛhyerɛle ye wɔ ye ti anwuro kyɛ, “YUDAFOƐ HENE NE.”

Marko 15:32

Ma Kristo ne, Yisrael Hene ne, ofi mmeamudua ne aso odwu ase kekesaala ye ma yɛnea, na yɛkole yɛkoli.” Na bɛ bɔ bɛbɔle bɛ mmeamudua nu bɛbokale ye so ne, bɛ koso bɛpepɛle ye nzoaa.

Marko 8:34

Afei Yesu frɛle ɛlɔen ne ne ye asuafoɛ nemɔ maa bɛwale ye nwo berɛ, na osele bɛ kyɛ, “Sɛ ebie pena kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Luka 14:27

Yeɛ ebiala bɔ wanzoa ye mmeamudua ná wanni me si nen, ɔngɔhora ngɔyɛ me suaniɛ.

Luka 23:26

Na bɛ́fa ye bɛ́kɔ nen, bɛhyele Simɔn bie bɔ ofi Kirene, bɔ né ofi namue nu ɔba ɔ, na bɛfale mmeamudua ne bɛtole ye so, kyɛ ɔsoa li Yesu si.

Luka 23:33

Na bedwuli nekaa bie bɔ bɛfrɛ berɛ “Tire Kokuroka so,” na berɛ yeɛ bɛbɔle ye ne bɔnefoɛ nemɔ mmeamudua nu ɔ: ko wɔ ye famaa so, yeɛ ko koso wɔ ye bɛen so.

Luka 23:38

Na bɛhyerɛle edwirɛ bie bɛbɔle ye ti so anwuro kyɛ: Yudafoɛ Hene ne ɛhe.

Luka 9:23

Na osele bɛ mukoraa kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua daa biala, ná oli me si.

Yohane 19:13

Na Pilato tele sɔ dwirɛ nen, ɔfale Yesu fite wale, na ɔtenane ndɛenbualɛ bia nu, wɔ nekaa bie bɔ bɛfrɛ berɛ Nyɔboɛ Pato nu, bɔ Hebri dwudwolɛ nu bɛfrɛ ye Gabata.

Yohane 5:2

Né ɛkwaa bie wɔ Yerusalem Mmoaen Pambim ne nwo, bɔ Hebri dwudwolɛ nu bɛfrɛ ye Betesaeda ɔ; na né apata nnu bɔ atee lela bɛ bo ɔ bɛwɔ ɛkwaa ne anwo berɛ.

Asomafoɛ 7:58

Bɛhwene ye befili kuro ne anu bɛɛborole ye nyɔboɛ. Na adanzefoɛ nemɔ yeyele bɛ ndaadeɛ mane aberandeɛ bie bɔ bɛfrɛ ye Sɔɔlo kyɛ ɔnea so ma bɛ.