Yohane 19:13 - AHYERƐLƐ KRONGRON

¹³ Na Pilato tele sɔ dwirɛ nen, ɔfale Yesu fite wale, na ɔtenane ndɛenbualɛ bia nu, wɔ nekaa bie bɔ bɛfrɛ berɛ Nyɔboɛ Pato nu, bɔ Hebri dwudwolɛ nu bɛfrɛ ye Gabata.

Yohane 19:13 Iomraidhean Croise

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Yesaya 57:11

Nwa yeɛ ye nwo yɛ suro bɔ esuro ye ɔ, bɔ yiti anga nahorɛ ɔ, bɔ yiti angaye me ɔ, bɔ yiti andwene me nwo ɔ? Aso nna konn yeɛ mayɛ fi tetetete ɔ, bɔ ɔnate sɔ ati enzuro me ɔ?

Yeremia 38:19

Yeɛ Nana Sedekia sele Yeremia kyɛ, “Mesuro Yudafoɛ bɔ baafa bɛ nwo bama Kaldeafoɛ ne. Annea a, né Kaldeafoɛ bafa me bawura bɛ sa maa bagoro me nwo.”

Amose 4:7

“Asa koso, mama esue ayakyi tɔlɛ wama ɛmɔ wɔ aberɛ bɔ wahã bosome nza koraka né buberɛ adwu ɔ; mama esue watɔ wagua kuro ko aso, yeɛ mamma wandɔ wangua kuro ko aso. Esue tɔ guale eboo ko aso, na eboo bɔ esue wandɔ wangua so ne, nu nningyein yerale.

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Luka 12:5

Na mebɔ ɛmɔ kɔkɔ, bɔ ɔsɛ kyɛ ɛmɔsuro ye ɔ: Odi kyɛ ɛmɔsuro bɔ oku yie a, ole tumi kyɛ ogyi to abɔnzam see nu ɔ. Amba, mekã mekyire ɛmɔ kyɛ, ye yeɛ odi kyɛ ɛmɔsuro ye ɔ.

Yohane 19:17

Yiti bɛfale Yesu bɛhɔle. Na ɔsoale ye mmeamudua ne fili berɛ oodwuli nekaa bie bɔ bɛfrɛ berɛ “Tire Kokuroka so,” bɔ Hebri nu bɛfrɛ ye Golgota.

Yohane 19:20

Yudafoɛ pee bɛkengale sɔ ahyerɛlɛ he, ɔnate kyɛ nekaa bɔ bɛbɔle Yesu mmeamudua nu ne, opingye kuro ne; na bɛhyerɛle edwirɛ ne wɔ Hebri, Roman ne Hela dwudwolɛ nu.

Yohane 19:8

Na Pilato tele edwirɛ he nen, ɛserɛ hane ye trale daa ne.

Yohane 5:2

Né ɛkwaa bie wɔ Yerusalem Mmoaen Pambim ne nwo, bɔ Hebri dwudwolɛ nu bɛfrɛ ye Betesaeda ɔ; na né apata nnu bɔ atee lela bɛ bo ɔ bɛwɔ ɛkwaa ne anwo berɛ.

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;